Jeremias 32:2 - Manobo Western Bukidnon OT

² Dutun he timpu midliǥuyan te menge sundaru te Babilonia is Jerusalem, ne si Jeremias he ebpeneuven mibpirisu ziyà te ubpeey te menge vantey ziyà te turuǥan.

Jeremias 32:2 Խաչաձեւ Հղումներ

2 Hadì 25:1

Umbe, hein ikesiyam he tuig te kedhadì ni Zedekia, zutun te ikesepulù he andew te ikesepulù he vulan, nenurung si Hadì Nebucadnezar he hadì te Babilonia wey is langun he menge sundaru zin diyà te Jerusalem. Migkampu zan diyà te ǥawas te inged ne mibaal zan te menge turi-turi te peliǥuy kayi.

Nehemias 3:25

Is sunud pa ne iyan si Palal he anak ni Uzai. Mibangun din is bahin te verengbeng puun te suyuk duen te verengbeng wey zuen te turi he ebpekelapew te turuǥan, he uvey te ubpeey te menge vantey. Is sunud kandin iyan si Pedaya he anak ni Parosh,

Salmo 88:8

Impekeziyù nu kayi te kediey is menge emiǥu ku. Midhimu nu he utew mezaat is ked-ahaa zan kedì. Nezureng a ne kenà ad ebpekepelaǥuy.

Jeremias 32:3

Impepirisu sikandin ni Hadì Zedekia tenged te migkaǥi sikandin te, “Iyan heini migkaǥi te Nengazen: Ibeǥey ku heini he inged diyà te hadì te Babilonia, ne egkaaǥew zin heini.

Jeremias 32:8

“Ne ǥeina te iyan heeyan migkaǥi te Nengazen, midhengkayi te kediey si Hanamel he id-aǥew ku, kayi te ubpeey te menge vantey. Ke sikandin te, ‘Deyzey ke ebpemesahan nu is bevesukè ku ziyà te Anatot he nesakup te tanà te tribu ni Benjamin. Duen nu ketenged wey ketengdanan te kedlekat wey ked-angken kayi, umbe pemesaha nu en heini para kenikew.’ ” Netuenan ku he iyan migkaǥi zutun is Nengazen,

Jeremias 33:1

Hein diyè pa si Jeremias te mibpirisuwan kandin he ubpeey te menge vantey te turuǥan, migkaǥi is Nengazen diyà te kandin te ikezuwa.

Jeremias 34:1

Midsurung ni Hadì Nebucadnezar he hadì te Babilonia is Jerusalem wey is menge inged diyà te peliǥuy kayi. Duma zin te nenurung is langun he menge sundaru zin ragkes is menge sundaru he ebpuun diyà te langun he menge ginhedian he nesakup din. Dutun he timpu migkaǥi is Nengazen he Mekeǥeǥehem, he Megbevayà te Israel, diyà te ki Jeremias te: “Hendiyè ka te ki Hadì Zedekia he hadì te Juda, ne keǥiyi nu te siak is Nengazen migkaǥi te: Ibeǥey ku heini he inged te hadì te Babilonia ne ebinsulan din heini.

Jeremias 36:5

Migkeǥiyan ni Jeremias si Baruc te, “Imbandu kedì is kedhendiyà te valey te Nengazen.

Jeremias 37:15

Utew nepauk is menge upisyal ki Jeremias. Impevuǥel zan wey mibpirisu zan diyà te valey ni Jonatan he sikritaryu. Su haazà he valey midhimu zan he pirisuwan.

Jeremias 37:21

Umbe, mibmandù si Hadì Zedekia he ziyè dà ebpirisuwa si Jeremias te ubpeey te menge vantey te turuǥan. Mibmandù daan haazà is hadì he ebeǥayan si Jeremias te keenen he ebpuun diyà te menge panadiru zutun te inged andew-andew taman te zuen pe pan dutun te inged. Umbe mibpedayun is kegkepirisuwa ki Jeremias diyà te ubpeey te menge vantey.

Jeremias 37:4

Dutun he timpu wazè pa mepirisu si Jeremias, umbe wazè pa ebpekevayàbayà kandin minsan hendei sikandin ebpevayà.

Jeremias 38:13

ne miguyud dan sikandin su wey mekeǥawas dutun te vudsi. Ne hein nepasad haazà mibpedayun is kegkepirisuwa ki Jeremias diyà te ubpeey te menge vantey te turuǥan.

Jeremias 38:6

Umbe, migkuwa zan si Jeremias ne midteyuntun dan diyà te vudsi he punduwà te wahig diyà te ubpeey te menge vantey. Heini he vudsi he punduwà te wahig ne iyan teǥiǥaked si Malkia he anak te hadì. Wazè en kayi wahig piru zuen kayi vasak he ebpekerevur ki Jeremias.