Jeremias 3:8 - Manobo Western Bukidnon OT

⁸ Midsuwayan ku is Israel ne midsegseg ku tenged te kebpekimaama zin. Piru minsan pa te iyan heini wazà mehandek is meluiven he suled din he iyan is Juda.

Jeremias 3:8 Խաչաձեւ Հղումներ

2 Cronica 21:11

Midtukud sikandin te menge simbahan diyà te menge vuvungan te Juda he iyan hinungdan te ked-azap te menge tig-Jerusalem wey menge tig-Juda te zuma he menge ed-ezapen.

Isaias 50:1

Migkeǥiyan te Nengazen is menge etew zin te, “Inselikwey ku ve is Jerusalem iring te maama he mid-engkezan din is esawa zin? Peǥumbenara niw! Impevihag ku ve sikiyu iring te etew he impeuripen din is anak din diyà te neutangan din su wey mekevayad? Wazà! Nevihag kew tenged te menge salè niw; inselikwey is Jerusalem tenged te menge kedrapas niw.

Jeremias 2:19

Tenged te kelelalung niw wey ked-iniyuǥi niw kedì, edsilutan ku sikiyu. Purungi niw is-isipa ke hengkey is ikezaat wey ikereǥen te kedselikwaya niw wey kenè niw kedtehuza te Nengazen he Megbevayè niw. Iyan a, is Nengazen he MEGBEVAYÀ he Mekeǥeǥehem, is migkaǥi kayi.

Jeremias 3:1

“Emun edsuwayan te maama is esawa zin ne mibpeuman mebpeesawa, ne kenè din en haazà ed-umanan ed-esewaa su utew heini ebpekeremerik te tivuuk he tanà. Piru sikiyu is menge Israilihanen nengungubpaan kew he iring te vahi he ebelegyà te zengeg din. Mahabet is menge ed-ezapen he mibmahal niw. Piru minsan pa te iyan haazà, mid-umew ku pa ǥihapun sikiyu te kedlikù kayi te kedì. Iyan a, is Nengazen, is migkaǥi kayi.

Jeremias 33:24

“Wazè nu ve mezineg is migkaǥi te menge etew mehitenged te menge etew ku? Migkaǥi sikandan te, ‘Inselikwey te Nengazen is dezuwa he ginhedian he mibpilì din.’ Umbe midsudì dan is menge etew ku ne wazè dan en heini isipa he sevaha he nasyun.

Jeremias 5:7

Migkaǥi is Nengazen te, “Kenè ku en sikiyu ebpeseyluwen. Su minsan is menge anak niw midselikwey kedì, wey emun edheǥeten dan is penangdù dan, ngazan te tarù he megbevayà is egemiten dan. Imbeǥey ku kandan is menge kinahanglan dan piru nekehimu zan gihapun he ebpengumpadi, ne edhahasekhasek dan en diyà te valey te menge vahi he ebelegyà te zengeg dan.

Ezekiel 16:46

Is kakey nu he vahi iyan is Samaria he ziyà ed-ubpà te zizaya duma te menge anak din he vahi. Is hazi nu he vahi iyan is Sodom, he ziyà ed-ubpà te zivavà duma te menge anak din he vahi.

Ezekiel 16:47

Mid-iringan nu is menge vetasan dan wey is utew mezaat he menge vaal zan. Ne seled te mevavè dà he timpu midlavew is kenikew he kezaat te kandan he kezaat.

Ezekiel 16:51

“ ‘Is Samaria wazà mekevaal te minsan ketengè dà te kenikew he neveelan he menge salà. Edhuna he mahabet is kenikew he mezaat he menge vaal, kenè te kandan, umbe zuen pa kandan he iketazeng kenè ka, tenged te langun he utew mezaat he menge mibeelan nu.

Ezekiel 23:44

Ne ebeelan dan iyan heini. Nekidhilavet sikandan ki Ohola wey ki Oholiba, he iyan kes dezuwa he meremerik he vahi he ebelegyà te zengeg dan.

Ezekiel 23:9

“Umbe, imbeǥey ku sikandin te menge kumpadi zin he menge tig-Asiria he midtelukunan din.

Hoseas 3:4

Su ebpesavut heini he seled te meluǥayad he timpu is kebpengungubpaan te menge etew te Israel he wazè dan hadì, upisyal, pemuhat, tedeman he vatu, wazà ipud he egemiten te kebpenagnà, wey menge ed-ezapen.

Deuteronomio 24:1

“Penenglitan, ebpengesawa is sevaha he maama ne te huziyan he timpu naawà is suat din dutun te esawa zin su zuen nesusi zin dutun te esawa zin he wazè din mesuati. Ne tenged dutun mibaal sikandin te surat he para te kebpekidsuwey ne imbeǥey zin haazà dutun te esawa zin, ne impeǥenat din puun te valey zin.

Deuteronomio 24:3

ne edsuwayan en maan sikandin duen te ikezuwa he esawa zin etawa ebpatey haazà is ikezuwa he esawa zin,