Jeremias 3:7 - Manobo Western Bukidnon OT

⁷ Kunaan ku ke edlikù sikandan kayi te kedì emun egkepasad dan en te ebaal is langun, iyan, wazà sikandan medlikù. Ne naahà heini te meluiven he suled dan he iyan is Juda.

Jeremias 3:7 Խաչաձեւ Հղումներ

2 Cronica 17:4

kekenà, diyà sikandin medangep te Megbevayà te amey zin wey midsunud din is kesuǥuan, ne wazè din sunuza is menge ulaula te menge tig-Israel.

Jeremias 12:1

He Nengazen, layun hustu is kukuman nu emun edriklamu a ziyà te kenikew. Ne ǥuntaan ed-insà a mehitenged te hustu he kukuman nu: Maan is ed-uswag is menge lalung? Maan is dezeyaan is ked-ubpà te menge etew he midluib kenikew?

Jeremias 33:24

“Wazè nu ve mezineg is migkaǥi te menge etew mehitenged te menge etew ku? Migkaǥi sikandan te, ‘Inselikwey te Nengazen is dezuwa he ginhedian he mibpilì din.’ Umbe midsudì dan is menge etew ku ne wazè dan en heini isipa he sevaha he nasyun.

Jeremias 5:11

Is menge etew ziyà te Israel wey Juda, ne kenè en ebpezumazuma kediey. Iyan a, is Nengazen, is migkaǥi kayi.

Ezekiel 16:46

Is kakey nu he vahi iyan is Samaria he ziyà ed-ubpà te zizaya duma te menge anak din he vahi. Is hazi nu he vahi iyan is Sodom, he ziyà ed-ubpà te zivavà duma te menge anak din he vahi.

Ezekiel 16:47

Mid-iringan nu is menge vetasan dan wey is utew mezaat he menge vaal zan. Ne seled te mevavè dà he timpu midlavew is kenikew he kezaat te kandan he kezaat.

Hoseas 11:7

Heini sikandan is menge etew ku, utew egkesuat he ebpekeziyù kayi te kedì. Umbe minsan medsevaha pa sikandan is ebpengumew-umew kedì, ne kenè ku sikandan edlibriyen.

Hoseas 14:1

Migkaǥi si Hoseas te, “He menge tig-Israel, likù kew ziyà te Nengazen he Megbevayè niw, su nezeetan kew tenged te menge salè niw.

Amos 4:8

Tenged te keluya egkesemsempirey kew en is ebpen-ahà te wahig puun te sevaha he inged pehendiyà te sevaha pa he inged, piru kenà ereg is egkekuwa niw piru wazè kew ǥihapun medlikù kayi te kedì. Iyan a, is Nengazen, is migkaǥi kayi.

Malakias 2:11

“Kenà metinumanen is menge tig-Juda. Utew mezaat he vaal is mibeelan dan diyà te Israel wey Jerusalem. Mibpendezeisey te menge tig-Juda is baley te Nengazen he mahal zin wey mibpengesawa is menge maama kandan te menge vahi he ed-azap te zuma he ed-ezapen.