Jeremias 22:9 - Manobo Western Bukidnon OT

⁹ Ne is tavak iyan heini, ‘Tenged te inselikwey zan is kebpekid-uyun te Nengazen he Megbevayè dan, ne mid-azap wey nenilbi sikandan te zuma he menge ed-ezapen.’ ”

Jeremias 22:9 Խաչաձեւ Հղումներ

1 Hadì 9:8

Ne minsan pa te mekempet wey nevantug heini is baley ku, ne edrundusen ku heini. Egketingkemed wey egkengeinuinu is langun he edsaǥad kayi, ne egkaǥi zan is ed-undaunda te, ‘Maan is mibeelan heini te Nengazen kayi he tanà wey kayi te valey zin?’

2 Hadì 22:17

Ibpeehè ku is pauk ku kayi he lugar ne kenà heini egkeengked, su inselikwey a te menge etew ku; su midtutung dan te veyewà su mid-azap dan te zuma he menge ed-ezapen. Midhimu zan he mepauk a pinaaǥi te menge ulaula zan.’

2 Cronica 34:25

Ibpeehè ku is pauk ku kayi he lugar ne kenà heini egkeengked, su inselikwey a te menge etew ku; su midtutung dan te veyewà su mid-azap dan te zuma he menge ed-ezapen. Midhimu zan he mepauk a pinaaǥi te menge ulaula zan.

Jeremias 11:10

Midsunud dan is menge salà te menge kepuun dan he wazà mebpemineg te menge lalag ku. Mid-azap daan sikandan te zuma he menge ed-ezapen. Is menge tig-Israel wey menge tig-Juda neked-iring su pudu zan midrapas te kebpekid-uyun ku he midhimu ku ziyà te menge kepuun dan.

Jeremias 11:3

Kegiyi nu sikandan he iyan a, is Nengazen he Megbevayà te Israel, migkaǥi a he edrewakan ku is etew he kenà edtuman te tulumanen kayi te kebpekid-uyun ku.

Jeremias 16:11

Keǥiyi nu sikandan he iyan heini tavak ku: Iyan imbeeli ku kayi is geine te inselikwey a te menge kepuun niw. Nenilbi zan wey mid-azap te zuma he menge ed-ezapen. Inselikwey e zan ne wazè dan tumana is menge kesuǥuan ku.

Jeremias 50:7

Edsurungen sikandan te ebpekaahà kandan. Egkaǥi is menge kuntada zan te, ‘Nekesalè dan diyà te Nengazen he iyan tutuu he eputè dan wey egkeperateng te menge kepuun dan, umbe wazè tew televaken emun edsurungen tew sikandan.’

Jeremias 9:13

Midtavak is Nengazen, “Neulaula heini su ǥeina te wazè dan tumana is menge suǥù he imbeǥey ku kandan. Wazà sikandan mebpezumazuma kedì wey wazè dan sunuza is menge kesuǥuan ku.

Ezekiel 12:16

Piru edtuǥutan ku is egkepipira kandan he mekelingkawas te tebek, bitil, wey zaru su wey zan metudtul ziyà te menge nasyun he egkepeveyaan dan is utew mezaat he menge vaal zan. Ne zutun egketuenan dan he iyan a Nengazen.”

Ezekiel 14:23

Uya, egkaawà is kegkeseeng niw emun egkeehè niw is betasan dan wey menge ulaula zan, ne egkesavut niw he zuen hinungdan te kedsilut ku ziyà te Jerusalem. Iyan a, is Nengazen he MEGBEVAYÀ, is migkaǥi kayi.”

Ezekiel 39:23

egketuenan daan diyà te zuma he menge nasyun he mibihag is menge etew te Israel tenged te menge salè dan, su wazè dan mebpezumazuma kedì. Mibpesegdan ku sikandan he surunga wey penhimetayi te menge kuntada zan.

Ezekiel 5:15

Ed-un-undahan kew, edsudien kew, wey igkelimezangi kew te menge etew ziyà te menge nasyun he nekeelingkus keniyu. Egkehimu kew he petizaan para kandan dutun te timpu te kedsiluti ku keniyu tenged te utew ku kegkepauk. Iyan a, is Nengazen, is migkaǥi kayi.

Deuteronomio 29:24

Ne ed-insà is menge etew ziyà te langun he menge nasyun te, ‘Maan is midhimu heeyan te Nengazen diyà te nasyun dan? Maan is utew sikandin nepauk?’