Jeremias 22:2 - Manobo Western Bukidnon OT

² ‘He hadì te Juda, he kevuwazan ni David, pemineǥa nu heini is menge lalag te Nengazen. Ipepemineg nu is menge upisyal nu wey is menge etew nu he kayi ebayà te menge ǥemawan te turuǥan.

Jeremias 22:2 Խաչաձեւ Հղումներ

1 Hadì 22:19

Migkaǥi pa si Micaya te, “Pemineǥa nu is lalag te Nengazen! Neehè ku is Nengazen he ebpimpinuu ziyà te pinuuwè din te kedhadì, ne zuen menge ilengiten he menge linimbag he ebpemenhitindeg diyà te egkekewanan wey egkeǥivang din.

Isaias 1:10

Sikiyu is menge ebpemendumala wey menge etew ziyà te Jerusalem, he iring te menge tig-Sodom wey tig-Gomora, pemineǥa niw is lalag wey kesuǥuan te Nengazen he Megbevayè tew.

Isaias 28:14

Umbe, sikiyu is memesudì he menge edumala kayi te menge etew ziyà te Jerusalem, pemineǥa niw is Nengazen.

Isaias 9:7

Wazà pidtemanan is ked-uswag te kedumala zin, ne layun dà melinawen heini. Ebpengevilinen din is ginhedian ni David. Ibpemelig-en din heini ne edhedian din he zuen hustu he kukuman wey ketazeng he wazà pidtemanan. Edsigureduwen te Nengazen he Mekeǥeǥehem he metuman heini.

Jeremias 13:18

Midsuǥù a te Nengazen te kegkaǥi ziyà te hadì wey ziyà te iney zin he mebpenaug en sikandan diyà te pinuuwè te kedhadi dan su hapit en id-awà diyà te kandan is mekempet he menge kuruna zan.

Jeremias 19:3

Kaǥi ka te, ‘He menge hadì te Juda wey menge etew ziyà te Jerusalem, pemineǥa niw is menge lalag te Nengazen he Mekeǥeǥehem, he Megbevayà te Israel. Iyan heini migkaǥi zin: Ebpeeǥiyan ku te kezeetan heini he lugar he igketingkemed te minsan hentei he ebpekezineg duen.

Jeremias 22:1

Migkeǥiyan a te Nengazen te, “Hendiyè ka te turuǥan te hadì te Juda ne keǥiya nu heini he menge lalag:

Jeremias 22:4

Su emun edtumanen niw heini he menge suǥù, ne layun duen egkahadì kayi te Jerusalem he kevuwazan ni David. Ed-untud is hadì te menge kerwahi wey menge kudà, ne ebparid pinaaǥi te kedselang te menge pultahan kayi te turuǥan, duma te menge upisyal wey menge etew zin.

Jeremias 29:20

Umbe, pemineg kew te migkaǥi te Nengazen, sikiyu is impevihag puun te Jerusalem pehendiyà te Babilonia.

Jeremias 36:30

Umbe, iyan heini migkaǥi ku mehitenged kenikew, Hadì Jehoyakim he hadì te Juda: Wazè nu kevuwazan he egkahadì diyà te ginhedian ni David. Edhimetayan ka, ne idtimbag dà is lawa nu. Egkekagkag heini emun maandew ne egkezehemuǥan emun mezukilem.

Jeremias 7:2

“Hitindeg ka ziyà te ǥemawan te valey ku ne keǥiya nu heini he menge lalag: ‘Pemineg kew is menge etew kayi te Juda he edseled kayi te ked-azap te Nengazen.

Ezekiel 34:7

“Umbe, sikiyu is menge perevantey, pemineǥa niw is egkeǥiyen ku.

Amos 7:16

Ne ǥuntaan, sikew is migkaǥi he kenè ku tudtula is menge lalag te Megbevayà diyà te menge tig-Israel he menge kevuwazan ni Isaac, pemineǥa nu heini is migkaǥi te Nengazen he ebpekesuǥat kenikew: ‘Is esawa nu ebelegyà te zengeg din diyà te inged ne ebpatey te tebek is menge anak nu. Is menge tanè nu ebehinen te menge kuntada he ed-aǥew kayi, ne ebpatey ka ziyà te zuma he nasyun. Ne siguradu he ebihaǥen is menge tig-Israel ne edumahan diyà te zuma he nasyun.’ ”