Jeremias 2:16 - Manobo Western Bukidnon OT

¹⁶ Is menge tig-Memfis wey tig-Tapanhes is midezaat kayi.

Jeremias 2:16 Խաչաձեւ Հղումներ

2 Hadì 18:21

Iyan be is Ehipto? Heini he nasyun wey is hadì duen, iring dà te nevadtì he tuked he emun idtutuked nu ne ebpekepalì te belad nu.

2 Hadì 23:33

Mibpirisu sikandin ni Faraon Neco ziyà te Ribla he sakup te tanà he Hamat, su para kenà sikandin mekahadì diyà te Jerusalem. Impevayad te vuhis ni Neco is Juda te 3,500 he kilu he pelata wey 35 he kilu he vulawan.

Isaias 19:13

Utew menge tulebung is menge upisyal ziyà te Zoan, wey is menge upisyal ziyà te Memfis egkehimu he edigdiǥen. Iyan pezem sikandan sikan is menge pengulu he ereg he egiya te menge etew ziyà te Ehipto, piru iyan en hinuun sikandan midtazin kayi he menge etew.

Isaias 59:13

Midsupak wey midluivan tew is Nengazen; mid-iniyuǥan tew is Megbevayè tew. Edèdaaǥen wey ebpesipelahan tew is duma. Ebpurungan tew ed-is isipa ke ebmenmenuwen tew is kedtarùtarù tew.

Isaias 8:8

Edeǥurus sikandan diyà te Juda he iring te zalem he teǥelieg is kezalem ne edlepayan dan is tivuuk he tanà.” Piru zuma zey ǥihapun is Megbevayà!

Jeremias 44:1

Migkeǥiyan te Nengazen is menge Israilihanen diyà te Ehipto he ziyà med-ubpà te zizaya he vahin te Ehipto he iyan is menge inged diyà te Migdol, Tapanhes, wey Memfis, ragkes daan is diyà te zivavà he vahin te Ehipto.

Jeremias 46:14

“Jeremias, tudtula nu heini ziyà te Ehipto, Migdol, Memfis, wey Tapanhes: Pengandam kew su naandam en is ispada he idezaat keniyu.

Jeremias 46:19

Sikiyu is menge meǥinged diyà te Ehipto, tinesa niw en is ed-uwiten niw su ebihaǥen kew en. Egkezeetan is Memfis ne egkehimu heini he mekevulungbulung ne wazè en ed-ubpà kayi.

Jeremias 48:45

Is mekehizuhizu he ebpemekepelaǥuy egkesuat dan he ed-eles diyà te Heshbon. Piru heini is Heshbon he midhedian dengan ni Hadì Sihon egkiràkirà is hapuy zuen. Egkevinsulan is menge vuvungan he mid-elesan te menge tig-Moab he zengan, utew susuaten te kebpekidtebek.

Ezekiel 30:13

Migkaǥi pa is Nengazen he MEGBEVAYÀ te, “Edèdeetan ku zaan is menge ledawan te menge ed-ezapen diyà te Memfis. Wazè en ebpengulu te Ehipto ne ebpelihendeken ku is langun he meǥinged kayi.

Ezekiel 30:16

Ebinsulan ku is Ehipto! Ebpekezag-es tenged te kegkesekiti is menge tig-Pelusium. Egkezeetan is Tebes, ne layun egkahandek is menge tig-Memfis.

Hoseas 9:6

Minsan egkepeleǥuyan niw is kezeetan, edtiǥumen kew gihapun diyà te Ehipto ne idleveng kew ziyà te Memfis. Egketembuan dà te sagbet wey zuǥiyen he dezeisey he kayu is mahalen he menge gelemiten niw he pelata wey is menge tulda niw.

Deuteronomio 33:20

Mehitenged te tribu ni Gad, migkaǥi si Moises te, “Eedeliǥen is Megbevayà he mibpekeluag te tanà te tribu ni Gad! Ed-ubpà sikandan kayi he tanà he andam he ed-upangis te vekelawan etawa ulu te menge kuntada zan.