Jeremias 19:3 - Manobo Western Bukidnon OT

³ Kaǥi ka te, ‘He menge hadì te Juda wey menge etew ziyà te Jerusalem, pemineǥa niw is menge lalag te Nengazen he Mekeǥeǥehem, he Megbevayà te Israel. Iyan heini migkaǥi zin: Ebpeeǥiyan ku te kezeetan heini he lugar he igketingkemed te minsan hentei he ebpekezineg duen.

Jeremias 19:3 Խաչաձեւ Հղումներ

Salmo 102:15

Is menge meǥinged diyà te menge nasyun, edtahud dan te Nengazen; is langun he menge hadì kayi te kelibutan edtahud diyà te etuvangan din.

Salmo 110:5

Is Nengazen diyà te egkekewanan nu; edèdeetan din is menge hadì emun ibpeehè din en is pauk din.

Salmo 2:10

Umbe, sikiyu is menge hadì wey menge pengulu kayi te kelibutan, sevuta niw heini he menge lalag, ne pemineǥa niw is petizaan keniyu.

Isaias 28:19

Layun heini ebpekeuma su kada andew, meselem wey mezukilem, ne edezaat heini keniyu.” Egkahandek kew emun egkesavut niw heini he menge lalag.

Jeremias 13:18

Midsuǥù a te Nengazen te kegkaǥi ziyà te hadì wey ziyà te iney zin he mebpenaug en sikandan diyà te pinuuwè te kedhadi dan su hapit en id-awà diyà te kandan is mekempet he menge kuruna zan.

Jeremias 17:20

Ne keǥiyi nu is menge etew te, ‘Pemineǥa niw is lalag te Nengazen, sikiyu is menge hadì wey menge meǥinged kayi te Juda, ragkes kew en is menge meǥinged te Jerusalem he ebayà kayi he pultahan.

Jeremias 18:11

“Umbe keǥiyi nu is menge etew ziyà te Jerusalem he iyan heini migkaǥi ku: ‘Pemineg kew! Mid-andam ku is mibpelanuwan ku he kezeetan para keniyu. Umbe engkezi niw en is mezaat he vetasan niw. Beǥuwe en te kada sevaha keniyu is menge vetasan din wey menge ulaula zin.’

Jeremias 19:15

“Pemineg kew, su iyan heini migkaǥi te Nengazen he Mekeǥeǥehem, he Megbevayà te Israel: Ibpaaǥi ku kayi he inged wey ziyà te menge inged he nekeelingkus kayi is kezeetan he nekaǥi ku he idezaat kandan, geina te utew sikandan mesinupaken ne wazè dan mebpemineg te menge lalag ku.”

Jeremias 25:29

Ahàa niw man! Mibpuunan ku en is kebpaaǥi te kezeetan diyà te Jerusalem, kes inged he para te zengeg ku. Guntaan egkeisip niw ve he kenè ku sikiyu edsilutan? Edsilutan ku sikiyu! Su ibpedtetebek ku is langun he menge nasyun kayi te tivuuk he kelibutan. Iyan a, is Nengazen he Mekeǥeǥehem, is migkaǥi kayi.

Jeremias 35:17

Umbe, siak, is Nengazen he Megbevayà he Mekeǥeǥehem, he Megbevayà te Israel, migkaǥi te: Pemineg kew! Is menge etew ziyà te Juda wey Jerusalem, ibpaaǥi ku ziyà te keniyu is langun he kezeetan he migkaǥi ku he idezaat keniyu. Mibpekidlalag a keniyu piru wazà a keniyu pemineǥa; mid-umew ku sikiyu piru wazè kew medtavak.”

Jeremias 44:3

tenged te mezaat he menge vaal te menge meǥinged duen. Midhimu zan he mepauk a pinaaǥi te kedtutungi zan te veyewà wey ked-ezapa zan te menge ed-ezapen he wazè dan duen hanew wey te menge kepuun dan.

Jeremias 6:19

Pemineg ka, is kelibutan! Ebpeuwitan ku te kezeetan heini he menge etew he idsilut ku kandan tenged te mezaat he menge planu zan. Su wazè dan pemineǥa is menge lalag ku wey inselikwey zan is kesuǥuan ku.

Ezekiel 7:5

“Iyan a, is Nengazen he MEGBEVAYÀ, migkaǥi te: Ebpekeuma is ebpekedtutundug he kezeetan.

1 Samuel 3:11

Migkaǥi is Nengazen te, “Timan-i nu, kenè ne egkeuǥet, duen ebeelan ku kayi te Israel. Ne is langun he ebpekezineg kayi, ne utew en egkeherati.