Jeremias 18:2 - Manobo Western Bukidnon OT

² “Hendiyè ka te valey te mendiziyun, ne zutun egkeǥiyen ku kenikew is menge lalag ku.”

Jeremias 18:2 Խաչաձեւ Հղումներ

Isaias 20:2

Dutun te wazè pa heini mehitavù ne migkaǥi is Nengazen diyà te ki Isaias he anak ni Amoz te, “Luwasa nu is bisti nu he saku wey pul-uta nu is sendalyas nu.” Midtuman heini ni Isaias, ne midhiphipanew sikandin is wazà bisti wey sendalyas.

Jeremias 13:1

Migkaǥi is Nengazen kayi te kedì te, “Hipanew ka ne pemasa ka te vahag he linu, ne ivevahag nu heini. Piru kenè nu heini pìpii.”

Jeremias 18:1

Migkaǥi pa is Nengazen kayi te kedì te,

Jeremias 18:3

Umbe, midhendiyà a te valey te mendiziyun ne zutun neehè ku he kemulu pa sikandin ebaal te ziniyun.

Jeremias 23:22

Emun pezem netuenan dan ke hengkey is diyà te isip ku, midtudtul zan en pezem is menge lalag ku ziyà te menge etew ku, su para meengkezi zan is mezaat he menge vetasan dan wey menge vaal zan.

Amos 7:7

Heini pa is impaahà te Nengazen he MEGBEVAYÀ kediey: Neehè ku is Nengazen he edhithitindeg diyà te uvey te verengbeng ne zuen din egewezan he tuntun he migamit te kedsukuza zuen te verengbeng ke metandang be is kegkeveeli kayi etawa kenà.