Jeremias 10:7 - Manobo Western Bukidnon OT

⁷ Hentei man is kenà edtahud kenikew te hadì te menge nasyun? Utew ke man dait he edtehuzen. Wazà ebpekeiring kenikew zuen te langun he uluwanen diyà te nekedseselekawà he menge nasyun, ne kenà ebpekeiring kenikew is langun he menge hadì dan.

Jeremias 10:7 Խաչաձեւ Հղումներ

2 Hadì 17:39

Iyan e zà keniyu ezapa, is Nengazen he Megbevayè niw, su iyan a edlibri keniyu te kedezaat te menge kuntada niw.”

1 Cronica 16:25

Su mekeǥeǥehem is Nengazen, ne ereg sikandin he edeliǥen. Dait sikandin he edtehuzen lavew te langun he zuma he menge ed-ezapen,

Ester 1:13

Ne ǥeina te iyan neleyaman he ed-ul-ulahan te hadì dutun he timpu is kebpekisambag diyà te menge uluwanen he sumesambag he nesayud te menge kesuǥuan wey menge vetasan te menge etew ziyà te Persia.

Salmo 147:5

Utew iyan mekeǥeǥehem is Nengazen, ne is ketau zin ne kenà egketegkad.

Salmo 22:28

Su iyan ka hadì, ne iyan ka edumala te menge nasyun.

Salmo 47:3

Edhimuwen din he iyan key edumala is menge tig-Israel te menge nasyun.

Salmo 72:11

Berakat he ebpesakup kandin is langun he menge hadì ne ebpenilbi kandin is langun he menge nasyun.

Salmo 76:7

Mekahahandek ka, Megbevayà. Wazà ebpekehimu he edsukul kenikew emun egkepauk ka.

Salmo 86:8

Wazà megbevayà he iring kenikew, Nengazen; wazà minsan hentei he ebpekehimu te nengehimu nu.

Salmo 86:9

Edsimba kenikew is langun he menge etew ziyà te menge nasyun he midlimbag nu. Ne edeliǥen ke zan.

Salmo 89:6

Wazà minsan sevaha ziyà te langit he iring kenikew, Nengazen. Wazà ilengiten he linimbag he igkepetug-iring kenikew.

Exodus 8:10

Ne midtavak haazà is hadì te, “Keeselem iampù a kenikew.” Ne midtavak si Moises te, “Uya, edtumanen ku heeyan is nekaǥi nu, su wey nu metueni he wazà ebpekerepeng te Nengazen he iyan Megbevayè dey.

Exodus 9:14

Ne emun kenè nu sikandan edtuǥutan, ne ibpeiseg ku en is keveǥat te menge pigada ku kenikew, ragkes is menge upisyal nu wey is tivuuk he gin-etawan nu su wey nu metueni he wazà ebpekerepeng kedì kayi te tivuuk he kelibutan.

Isaias 2:4

Ne pinaaǥi te kesuǥuan din, edhusayen din is menge kebikilan te mahabet he menge nasyun. Umbe kenè ne ebpetebtebekà is menge etew ziyà te menge nasyun, wey kenè dan en mebpenurù te menge etew te para te kebpekidtebek. Ebeelan dan dà maan he punta te menge eradu is menge ispada zan, wey ebeelan dan dà he para te igkamet is menge vangkew zan.

Jeremias 10:6

He Nengazen, wazà iring kenikew. Mekeǥeǥehem ka ne utew lavew is ngazan nu.

Jeremias 5:22

Wazà niw ve kedtahud kediey? Maan is wazè kew kerkera ziyà te etuvangan ku? Iyan a is Nengazen migkaǥi te mibeelan ku is beyvey he netemanan te zaǥat. Pirmeninti heini he dulunà ne kenà egkelapew. Edtampil kayi is baǥel piru kenè en edlavey is daǥat kayi.

Daniel 2:27

Midtavak si Daniel te, “Mahal he Hadì, wazà minsan hentei he uluwanen, menge veyilan, selemengkiru, etawa metau he ebpeǥingkuris he ebpekeseysey te teǥeinep nu.

Daniel 2:28

Piru zuen Megbevayà diyà te langit he ebpezayag te menge nekeeles he ketutuanan. Mahal he Hadì, pinaaǥi te teǥeinep nu, ibpetuenan te Megbevayà kenikew ke hengkey is huziyan he egkehitavù. Guntaan, idseysey ku kenikew is nelewasan nu pinaaǥi te teǥeinep nu.

Habakuk 3:2

“He Nengazen, nezineg ku is menge mibeelan nu, ne tenged kayi utew zekelà is kedtehuza ku kenikew. Ne ǥuntaan umani nu heini veeli kayi te kenami he timpu. Ne zutun te timpu te kebpaahaa nu te pauk nu ne kehizuwi key kenikew.

Malakias 1:11

Ebentuǥen a ziyà te menge nasyun puun te kedsilà te andew pehendiyà te kedsanlep kayi. Ebpemuhaten a te veyewà wey lunsey he menge pemuhat diyà te langun he lugar, su ebentuǥen a ziyà te menge nasyun. Iyan a, is Nengazen he Mekeǥeǥehem, is migkaǥi kayi.

Josue 4:24

Mibeelan heini te Nengazen su para kilelaa te langun he etew kayi te kelibutan he mekeǥeǥehem sikandin, wey kew layun medtahud kandin te Nengazen he Megbevayè niw.”