Jeremias 1:7 - Manobo Western Bukidnon OT

⁷ Piru migkaǥi is Nengazen kayi te kedì te, “Kenè ka megkaǥi te vetan-en ke pa. Kinahanglan he hipanew ka minsan hendei ku sikew edsuǥua, ne keǥiya nu is minsan hengkey he ibpekaǥi ku kenikew.

Jeremias 1:7 Խաչաձեւ Հղումներ

1 Hadì 22:14

Piru midtavak si Micaya te, “Mibpenangdù a ziyà te uuyag he Nengazen he iyan dà egkeǥiyen ku is ibpekaǥi zin kedì.”

1 Hadì 3:7

Nengazen he Megbevayè ku, iyan a is suluǥuen nu in-ilis nu te amey ku he si David te kedhadì, minsan menguhed e pa he kenà metau he ebpengulu.

2 Cronica 18:13

Piru midtavak si Micaya te, “Mibpenangdù a ziyà te uuyag he Nengazen he Megbevayè ku he iyan dà egkeǥiyen ku is ibpekaǥi zin kedì.”

Exodus 6:29

migkeǥiyan din si Moises te, “Siak, is Nengazen, edsuǥuen ku sikew. Keǥiya nu ziyà te Faraon he hadì te Ehipto is langun he migkaǥi ku ziyà te kenikew.”

Jeremias 43:1

Ne hein neipus ni Jeremias te egkaǥi is langun he migkaǥi te Nengazen he Megbevayè dan mehitenged kandan,

Jeremias 7:27

“Jeremias, emun egkeǥiyen nu heini is langun diyà te kandan, ne kenà sikandan ebpemineg kenikew. Emun ed-umawen nu sikandan su wey zan mekeuvey kayi te kedì, ne kenà sikandan edtavak.

Ezekiel 2:7

Keǥiya nu is menge lalag ku ziyà te kandan, mebpemineg heini is menge mesinupaken etawa kenà.

Ezekiel 3:27

Piru zutun te timpu he ebpekidlalag a kenikew, ne ebpekekaǥi ke en. Ne keǥiya nu kandan is menge lalag he migkaǥi te Nengazen he MEGBEVAYÀ. Ne ebpemineg is duma kandan ne is duma, kenà, su mesinupaken sikandan he menge etew.”

Amos 7:15

Piru migkeǥiyan a te Nengazen he ewai ku is terebahu ku he kebantey te kerehidu ne tudtula ku is menge lalag din diyà te keniyu te menge tig-Israel he menge etew zin.

Jonas 3:2

“Hendiyè kad human te zekelà he inged he Nineve, ne isangyew nu sikan is migkaǥi ku ziyà te kenikew.”

Numero 22:20

Dutun he kezukileman migkaǥi is Megbevayà diyà te ki Balaam te, “Geina te midhengkayi en man heini is menge etew su edumahan ke zan, duma ke en nasì kandan, piru iyan nu zà beeli is egkeǥiyen ku.”

Numero 22:38

Midtavak si Balaam te, “Nekeuma ad. Piru wazè ku egkekaǥi ziyà te kenikew gawas te ibpekaǥi kedì te Megbevayà.”