Jeremias 1:3 - Manobo Western Bukidnon OT

³ Ne mibpedayun is kebpahayag te Nengazen te menge lalag he ibpekaǥi zin ki Jeremias taman te timpu te kedhadì ni Jehoyakim, ne pehendiyè en te ike-11 he tuig te kedhadì ni Zedekia he anak ni Josia. Ne ikelima he vulan dutun he tuig mibihag is menge etew ziyà te Jerusalem.

Jeremias 1:3 Խաչաձեւ Հղումներ

2 Hadì 23:34

Si Eliakim he sevaha pa he anak ni Josia iyan midhimu ni Neco he hadì he ilis ki Jehoahaz. Mid-ilisan ni Neco is ngazan ni Eliakim te Jehoyakim. Ne si Jehoahaz miduma ni Neco ziyà te Ehipto ne ziyà mebpatey.

2 Hadì 24:17

Is midhimu ni Nebucadnezar he hadì he ilis ki Jehoyakin iyan si Matania he anggam ni Jehoyakin. Ne mid-ilisan din is ngazan ni Matania te Zedekia.

1 Cronica 3:15

Iyan heini sikandan menge anak ni Josia: is kinekekayan si Johanan, is ikezuwa si Jehoyakim, is iketulu si Zedekia, ne is ikeepat si Shalum.

Jeremias 1:4

Migkaǥi is Nengazen kayi te kedì te,

Jeremias 34:1

Midsurung ni Hadì Nebucadnezar he hadì te Babilonia is Jerusalem wey is menge inged diyà te peliǥuy kayi. Duma zin te nenurung is langun he menge sundaru zin ragkes is menge sundaru he ebpuun diyà te langun he menge ginhedian he nesakup din. Dutun he timpu migkaǥi is Nengazen he Mekeǥeǥehem, he Megbevayà te Israel, diyà te ki Jeremias te: “Hendiyè ka te ki Hadì Zedekia he hadì te Juda, ne keǥiyi nu te siak is Nengazen migkaǥi te: Ibeǥey ku heini he inged te hadì te Babilonia ne ebinsulan din heini.

Jeremias 35:1

Hein iyan hadì diyà te Juda si Jehoyakim he anak ni Josia, migkaǥi is Nengazen diyà te ki Jeremias,

Jeremias 36:2

“Kuwa ka te linulun he suratà ne isurat nu is langun he migkaǥi ku kenikew vahin te Israel, Juda, wey langun he menge nasyun. Isurat nu is langun he migkaǥi ku puun te puunà te kebpekidlalag ku kenikew (hein si Josia pa is hadì diyà te Juda) taman en guntaan.

Jeremias 39:2

Ne hein ikeepat he vulan duen te ike-11 he tuig te kedhadì ni Zedekia, nevengkag en te menge tig-Babilonia sikan is berengbeng te inged.

Zacarias 7:5

“Keǥiyi nu is langun he menge etew te Israel ragkes en is menge memumuhat, he is kebpuasa zan wey kedseengseeng dan te kada ikelima wey ikepitu he vulan seled te kepituwan en he tuig wazè dan himuwa para kediey.