Isaias 57:13 - Manobo Western Bukidnon OT

¹³ Uya, kenà ebpeketavang is menge ed-ezapen niw emun ebuyù kew te tavang diyà te kandan. Id-amin sikandan idlayap te keramag; idlayap dan te sengehiyup dà. Piru is menge midsarig kediey ebpekeubpà diyà te tanà ne ed-ezapen e zin diyà te segradu he vuvungan.

Isaias 57:13 Խաչաձեւ Հղումներ

2 Hadì 3:13

Ne migkeǥiyan ni Elisha haazà is hadì te Israel te, “Hengkey is lavet ku kenikew? Diyè ka pevayà te menge ebpeneuven he midseriǥan te amey nu wey iney nu!” Migkaǥi haazà is hadì te Israel te, “Kenà, su iyan is Nengazen mid-uwit kenami te tetelu kayi he lugar su wey key zin ikeveǥey ziyà te hadì te Moab.”

Job 21:18

Mezelag dà sikandan edsegseǥa iring te reǥami etawa ukap he idlayap te mevandes he keramag.

Salmo 1:4

Piru kenà mulà iring kayi is lalung he menge etew, kekenà, iring sikandan te ukap he idlayap te keramag su wazè dan pulus.

Salmo 118:8

Meupiya pa is kedangep diyà te Nengazen kenà is kedsarig diyà te etew.

Salmo 125:1

Is menge etew he edsarig te Megbevayà ne iring te Buvungan he Zion he kenà egkehuyung, kekenà, kenà egkaawà te wazà pidtemanan.

Salmo 37:11

Piru is kenà memepelevawen ebpedayun is kandan he ked-ubpà kayì te tanà he Israel he dezeyaan is kebpekesavuk dan.

Salmo 37:22

Is menge etew he edtuvazan te Nengazen, ebpedayun is ked-ubpè dan kayi te tanà he Israel. Piru is etew he edrewakan din edsegseǥen puun kayi he tanà.

Salmo 37:29

Is menge metazeng mulà pedayun he ebpekeubpà dutun te tanà te taman te taman.

Salmo 37:3

Sarig ka te Nengazen, ne ul-ulaha nu is meupiya. Pengungubpaan ka kayi te tanà he wazè nu igkahandek he ebpekekaid.

Salmo 37:34

Sarig ka te Nengazen ne tumana nu is paaǥi zin, ne ebeǥayan ke zin te zengeg pinaaǥi te pedayun he kebpeubpaa zin kenikew kayi te tanà kayi te Israel. Ne egkeehè nu is kedsegseǥa te menge mezaat he etew puun keniyan he tanà.

Salmo 37:9

Su is lalung he menge etew edsegseǥen puun te tanà he Israel, piru is menge etew he edsarig te Nengazen ne ebpedayun is ked-ubpè dan kayi he tanà.

Salmo 58:9

Dezeeti nu sikandan, batà etawa meǥurang. Dezeeti sikandan he meǥaan pa te ed-initen he ziniyun he edtevunan te menge zezeisey he kayu.

Salmo 84:12

Nengazen he Mekeǥeǥehem, utew zeyzey is edsarig diyà te kenikew.

Erubasa 28:25

Is etew he leǥezen ebpeketuvù te kesevaan, iyan, is etew he edsarig te Nengazen ed-uswag mulà sikandin.

Isaias 11:9

Wazè en ebpesipala etawa ebpendezaat te segradu he vuvungan ku. Su is menge linimbag kayi te kelibutan egkepurung egketeǥui te keuluwanen mehitenged te Nengazen, iring te kegkepenua te zaǥat te wahig.

Isaias 14:32

Hengkey is idtavak tew te menge menunudtulà he ebpuun te Filistia? Egkeǥiyan tew sikandan te, “Is Nengazen iyan mibangun te Jerusalem, ne dengepà heini te menge etew zin he nengerasey.”

Isaias 25:4

Iyan ka kes melig-en he eputà te menge pubri emun timpu te kedlised. Helungè ka emun timpu te vagyu wey gulavung. Su is kedsurung te mesipala he menge etew, iring te vagyu he ebpekesuǥat diyà te verengbeng,

Isaias 40:24

Neiring sikandan te pinemula he veǥu pa he midtuvù, he henduen te wazè pa mekependalid. Ne hein midhiyup te Nengazen ne neǥangu heini, ne neiring te ukap he inlayap te eribpures.

Isaias 41:16

Ed-ukapan nu haazà ne idlayap te keramag, ne ibpedsusuwey te eribpures. Piru sikew mulà igkelipey nu is Nengazen; edeliǥen nu is Waǥas he Megbevayà te Israel.

Isaias 45:20

Migkaǥi zaan is Nengazen te, “Medtiǥum kew ne uvey kew kayi te kediey, sikiyu is nemekepelaǥuy puun te menge nasyun. Wazà ketau te menge etew he ed-uwit-uwit te menge kayu he ed-ezapen dan. Mibpengemuyù dan kayi te menge ed-ezapen dan he kenà ebpekelibri kandan.

Isaias 49:8

Iyan heini migkaǥi te Nengazen: “Dutun te hustu he timpu edlibriyen ku sikew, edtevaken wey edtevangan ku sikew. Edipinsahan ku sikew ne pinaaǥi kenikew ebpekid-uyun a te menge etew. Ed-umanan nu ebenguna is nasyun he Israel he nevengkag, ne idlikù nu ibeǥey te menge etew ku.

Isaias 56:7

Ed-uwiten ku sikandan diyà te segradu he vuvungan ku, ne edlipayen ku sikandan diyà te valey ku he elempuanan. Edewaten ku ziyà te pemuhatà he para kediey is menge pemuhat dan he edtutungen wey zuma pa he menge pemuhat; su is baley ku egngezanan te valey he elempuanan te menge etew ziyà te langun he menge nasyun.”

Isaias 60:21

Is langun he menge etew nu egkehimu he metazeng, ne egkaangken dan is tanà he Israel taman te taman. Midlimbag ku sikandan; iring sikandan te pinemula he impemula ku su wey a meveǥayi te zengeg.

Isaias 65:11

“Piru edsilutan ku sikiyu is edselikwey kediey wey kenà edseǥipà te segradu he vuvungan ku, kekenà, iyan ebpemuhaten niw is menge ed-ezapen he edtuuwan niw he ebpekeveǥey keniyu te meupiya he ked-ubpà.

Isaias 65:25

Ebpetuǥenà te kegkaan is dumezaas he menge asu wey menge kerehidu. Is menge erimaung ebpenabtab te reǥami iring te menge vaka. Ne is menge uled kenè en ebpemengaǥat. Wazè en ebpesipala etawa edezaat te segradu he vuvungan ku. Iyan a, is Nengazen, is migkaǥi kayi.”

Isaias 65:9

Duen edsemaan ku he menge uuyag diyà te menge kevuwazan ni Jacob wey ni Juda, ne iyan sikandan ebpekepengevilin te tanè ku he mahabet is menge vuntud duen. Iyan sikandan is menge pinilì ku wey menge suluǥuen ku ebpekeubpà kayi he tanà.

Isaias 66:20

Ne id-ulì dan is langun he menge zuma niw he Israilihanen puun keniyan he menge nasyun; ne ed-untud dan te menge kudà, menge mula wey menge kemilyu, wey menge kerwahi wey kerumata. Edumahan dutun te menge menunudtulà sikandan diyà te segradu he vuvungan ku ziyà te Jerusalem su iring sikandan te pemuhat kayi te kediey. Iring heini te ebeelan te menge Israilihanen he ed-uwit diyà te valey ku te menge pemuhat he para gasa he intaǥù diyà te lumpiyu he teleǥuey.

Jeremias 2:28

Hendei en is menge ed-ezapen he mibeelan niw para keniyu? Ipeuvey niw ziyà te keniyu su ed-ahaan ta ke ebpekehimu ve sikandan he edlibri keniyu te kelised niw. Su utew mezakel is menge ed-ezapen niw iring kezakel te menge inged diyà te Juda.

Jeremias 22:20

Sikiyu is menge etew ziyà te Juda, sineǥew kew su nezeetan en is kezapig niw he menge nasyun. Lalew kew ziyà te menge vuvungan te Lebanon. Sineǥawi niw sikandan diyà te Bashan wey Abarim.

Jeremias 22:22

Ibpeyapat ku is langun menge pengulu niw, ne ebihaǥen is menge etew ziyà te kezapig niw he menge nasyun. Egkepeel-elezan kew tenged te langun he kelelalung niw.

Jeremias 30:14

Midlipatan kew en te kezapig niw he menge nasyun; wazè kew zan en seǥipaa. Midsurung ku sikiyu iring te kedsurung te kuntada niw. Mibpurungan ku sikiyu siluti su utew en meveǥat is menge salè niw wey utew en heini mahabet.

Ezekiel 20:40

Su ebpekepenilbi kediey is langun he menge etew te Israel ziyà te segradu he vuvungan ku, he iyan kes metikang he vuvungan diyà te Israel. Dutun edewaten ku sikiyu wey ibpepemuhat ku te nekedseselekawà he menge pemuhat wey te ispisyal he menge gasa.

Hoseas 13:3

Umbe, egkahanew kew iring te edsaǥad he virisbiris etawa zehemug emun meselem, etawa iring te ukap diyà te ǥunasà he idlayap te keramag etawa evel he egawas diyà te peǥewasà duen.

Joel 3:17

Menge tig-Juda, egketuenan niw he iyan a, is Nengazen he Megbevayè niw, mid-ubpà a ziyà te Zion he segradu he vuvungan ku. Ne egkeuman en maan egkehimu he segradu is Jerusalem; kenè ne heini ed-umanan edsurunga te menge etew ziyà te zuma he menge nasyun.

Zacarias 7:13

Ne ǥeina te wazè dan mebpemineg te migkaǥi ku, ne kenà a zaan ebpemineg emun ed-umawen e zan.

Zatù 10:14

Maan is kenè kew ziyà ebuyù te tavang te menge ed-ezapen he mibpilì niw he iyan ed-ezapen niw? Iyan niw sikandan ipelibri keniyu emun edlised kew.”