Isaias 3:23 - Manobo Western Bukidnon OT

²³ peǥelungan, bisti he linu, tengkulu, wey tezung.

Isaias 3:23 Խաչաձեւ Հղումներ

Ezekiel 16:10

Ne mibistiyan ku sikew te mahalen he visti he linu wey sida he binurdahan, ne impesesendalyas ku sikew te panit.

Solomon 5:7

Naahà a te menge vantey zutun te kedrunda zan diyà te inged. Midlagkut e zan ne nepelian a. Migkuwa zan is samput ku.

1 Cronica 15:27

Ne si David wey is langun he menge Levihanen he mid-uwit dutun te Kavan te Kebpekid-uyun te Nengazen wey is menge perekanta, wey si Kenania he iyan midseriǥan he ibpepengulu te kegkanta, mibivisti zan pudu te linu. Migkukumbalà daan si David te ipud he linu.

Ruth 3:15

Ne migkaǥi zutun si Boaz te, “Ihengkayi nu haazà is insamput nu ne izempas nu.” Ne hein mibeelan ni Ruth haazà, imbusbus dutun ni Boaz is menge heenem he kilu he barli ne mid-uǥupan din su wey mevava ni Ruth haazà. Ne zutun mid-ulì sikandin diyà te inged.

Exodus 38:8

Ne mibaal sikandan te brunsi he bisin wey te untuzà kayi he brunsi zed. Is menge brunsi he migamit te kebeeli kayi, ne ebpuun diyà te brunsi he peǥelungan te menge vahi he nemenilbi ziyà te gemawan te Tulda he Edtelevukaayan.

Genesis 41:42

Ne mibpul-ut dutun te hadì is sising din he iyan tuus te keǥehem din he insarig din ki Jose. Mibpesun-uzan din si Jose te utew mahal he manggad he meputì ne mibpevelieǥan din sikandin te rantey he vulawan.

Genesis 24:65

ne mid-insaan din sikan is suluǥuen ni Abraham te, “Hentei haazà is edsinuǥung kenitew?” Ne midtavak haazà is suluǥuen te, “Egalen ku sikandin he si Isaac.” Ne zutun migkuwa ni Rebeka is lembung din ne midtembunan din is dagwey zin.

Isaias 3:22

is mahalen he menge visti zan, apid te visti, samput, kahita,

Isaias 3:24

Kenè en hinuun sikandan ebmehemut, kekenà, ebmemahù dan. Pisì dà is bagkes dan, ne ed-upawan is meupiya he vulvul zan. Is mahalen he menge visti zan ed-ilisan te saku, ne egkaawà is kekempet dan.

Isaias 47:2

Neuripen ke en guntaan, umbe kuwa ka te ǥelingan ne ǥaling ka te trigu. Iawè nu is lembung nu, ne lislisa nu is bisti nu su para maahà is menge vuvun nu zutun te kedlayun nu te wahig.

Zacarias 3:5

Ne migkaǥi a te, “Suupi niw zaan te lumpiyu he tengkulu is ulu zin.” Umbe mibpesul-uvan dan sikandin te visti wey lumpiyu he tengkulu dutun te edhithitindeg is belinsuǥuen te Nengazen he ebantey.