Isaias 26:9 - Manobo Western Bukidnon OT

⁹ Ebpengenduyen ku sikew ke timpu te mezukilem, te ebpuun te tivuuk he gehinawa ku. Tutuu he emun edhukuman nu is menge etew kayi te kelibutan, ne egketau sikandan te metazeng he kebpengungubpaan.

Isaias 26:9 Խաչաձեւ Հղումներ

1 Cronica 16:14

Iyan sikandin kes Nengazen he Megbevayè tew, ne edhukuman din is tivuuk he kelibutan.

Salmo 105:7

Iyan sikandin kes Nengazen he Megbevayè tew, ne edhukuman din is tivuuk he kelibutan.

Salmo 119:55

Nengazen, emun timpu te mezukilem ne edtentenuzan ku sikew, ne ebpurungan ku ed-is-isipa is kedtuman te kesuǥuan nu.

Salmo 119:62

Minsan liwazè en te kezukileman egimerat a su ebpeselamat a ziyà te kenikew tenged te metazeng he menge suǥù nu.

Salmo 130:6

Edtaǥad a kenikew, Nengazen, lavew pa te kedtaǥad te perevantey te kebmeselem.

Salmo 58:11

Dutun ebpekekaǥi is menge etew te, “Tutuu iyan he zuen suhul te menge metazeng; ne zuen Megbevayà he edhukum te menge etew kayi te kelibutan.”

Salmo 63:1

He Megbevayà, iyan ka Megbevayè ku, ne meselem pa utew ne edangep e en diyà te kenikew. Ke và ke zà wahig ne egkemezahan a kenikew. Iring te ziyà a te memaza he tanà he wazà duen wahig.

Salmo 63:5

Egkekuntintu a iring te etew he nahantey te ǥastu. Ne ed-ugyab a is egkelipey he edalig kenikew.

Salmo 64:9

Ne zutun egkengahandek is langun he menge etew. Ne egngunngunuen dan is mibpemeelan te Megbevayà, ne edtudtulen dan haazà.

Salmo 78:34

Ne hein mibpenhimetayan din is duma kandan, ne is duma zuen te nengesamà, midsendit dan ne midangep dan diyà te kandin ne zekelà is suat dan te tavang din.

Salmo 83:18

Berakat he metueni zan he iyan ka, Nengazen, he iyan dà Utew Lavew he Megbevayà kayi te tivuuk he kelibutan.

Erubasa 8:17

Ebmahalen ku is mibmahal kediey, ne is ebpen-ahà kediey egketuredu e zin.

Isaias 27:9

Wey zà sikandan egkepesaylu emun edrupeten dan is menge vatu he pemuhatè dan, ne ebekbeken dan heini, wey id-awè dan is menge tukud he simbulu te ed-ezapen he si Ashera, wey is menge pemuhatà he edtutungan dan te veyewà.

Isaias 50:10

Hentei keniyu is edtahud te Nengazen wey ebpezumazuma te menge penurù te suluǥuen din? Ereg sikandin he edsarig te Nengazen he Megbevayè din minsan midhipanew sikandin diyà te merusirem he wazà duen bulug kerayag.

Isaias 55:6

Dangep kew ziyà te Nengazen ne umawa niw sikandin mintras wazè pa med-awà sikandin is edtavang keniyu.

Penhulùhulù 2:19

Enew kew ke mezukilem ne buyù kew te tavang diyà te Nengazen. Ivuswang niw ziyà te kandin is langun he ziyà te gehinawa niw he iring te ebusbus kew te wahig. Ivayew niw is menge velad niw te kedhangyù para te untung te menge anak niw he egkengevidtawan diyà te menge zalan tenged te kegkevitil.

Penhulùhulù 3:25

Ebpurungan te Nengazen is menge ebperateng wey edangep diyà te kandin.

Ezekiel 5:15

Ed-un-undahan kew, edsudien kew, wey igkelimezangi kew te menge etew ziyà te menge nasyun he nekeelingkus keniyu. Egkehimu kew he petizaan para kandan dutun te timpu te kedsiluti ku keniyu tenged te utew ku kegkepauk. Iyan a, is Nengazen, is migkaǥi kayi.

Hoseas 5:15

Ne kegkepasad dutun edlikù a ziyà te lugar ku, taman te ed-engkenen dan is menge salè dan. Ne edangep dan kayi te kedì tenged te kegkerasey zan.”