Isaias 14:7 - Manobo Western Bukidnon OT

⁷ Ne kayi te huziyan he timpu, melinawen en is tivuuk he kelibutan, ne egkezineg en kayi is kanta te kegkelipey.

Isaias 14:7 Խաչաձեւ Հղումներ

Salmo 47:1

Sikiyu is langun he keet-etawan diyà te menge nasyun, pelakpak kew wey ugyab kew te kedalig te Megbevayà he egkezumahan te kelipey.

Salmo 98:1

Egkentahan tew is Nengazen te veǥu he kanta, su egkein-inuwan is menge vaal zin! Pinaaǥi te kandin he keugelingen he ǥehem wey zesen, midaag din is menge kuntada tew.

Erubasa 11:10

Ed-ugyab te kegkelipey is menge meǥinged diyà te inged dan emun ed-uswag is menge metazeng he etew; igkelipey zaan te menge meǥinged dutun emun ebpatey is menge etew he mezaat is menge ulaula.

Isaias 21:2

Nekelawas a te mekahandekhandek mehitenged te kedluib wey kebpendezaat. Sikiyu is menge tig-Elam wey menge tig-Media, liǥuwi niw is Babilonia ne surunga niw. Edhimesazen te Megbevayà is kebpeentusa zin te zuma he menge nasyun.

Isaias 49:13

Kanta ka te kegkelipey, is langit! Lipey ka, is kelibutan! Kanta kew is menge vuvungan! Su edlipayen wey egkehizuwan te Nengazen is menge etew zin he nengerasey.

Jeremias 51:48

Ne ebpengulahì te kegkelipey is langit wey is kelibutan, wey is langun he netaǥù kayi, su edsurungen is Babilonia te menge ebpendezaat he ebpuun diyà te zizaya. Iyan a, is Nengazen, is migkaǥi kayi.”

Ezekiel 35:14

“Umbe siak, is Nengazen he MEGBEVAYÀ, migkaǥi a he emun edhimuwen ku en he mekevulungbulung is lugar niw egkelipey is menge etew kayi te tivuuk he kelibutan,

Zacarias 1:11

Ne migkaǥi sikan is menge pereuntud te kudà diyà te velinsuǥuen te Nengazen he mibpundu ziyà te teliwazà te menge kayu he mirtu te, “Neelingkus dey en is tivuuk he kelibutan ne neehè dey he melinawen heini.”