Isaias 12:5 - Manobo Western Bukidnon OT

⁵ Kentahi niw is Nengazen su ǥeina te egkein-in-inuwan is menge mibeelen din. Ipetueni niw heini ziyà te tivuuk he kelibutan.

Isaias 12:5 Խաչաձեւ Հղումներ

Salmo 98:1

Egkentahan tew is Nengazen te veǥu he kanta, su egkein-inuwan is menge vaal zin! Pinaaǥi te kandin he keugelingen he ǥehem wey zesen, midaag din is menge kuntada tew.

Exodus 15:1

Migkanta ni Moises wey is duma he menge Israilihanen diyà te Nengazen heini he kentahan: “Egkentahan ku is Nengazen, su mezeeǥen sikandin. Insinumag din diyà te zaǥat is menge kudà wey is ebpemen-untud duen.

Habakuk 2:14

Su is menge etew kayi te kelibutan, egkepenù te keuluwanen vahin te gehem te Nengazen, iring te zaǥat he nepenù te wahig.

Isaias 40:9

Sikiyu is edsangyew ziyà te Zion, is inged he Jerusalem te meupiya he tudtulanen, tekezeg kew ziyà te metikang he vuntud, ne pekezaǥing kew is edsangyew te meupiya he tudtulanen. Kenè kew mahandek he ebpemensag. Keǥiyi niw is menge etew ziyà te menge inged he sakup te Juda he nekeume en is Megbevayè dan.

Exodus 15:21

Ne migkentahan ni Miriam sikandan te heini he kanta: “Kentahi niw is Nengazen, su utew sikandin mezeeǥen. Insinumag din diyà te zaǥat is menge kudà wey is nemen-untud kayi.”

Salmo 105:2

Kentahi niw sikandin te menge kedalig; ipenudtul niw is langun he egkein-inuwan he menge vaal zin.

Salmo 72:19

Ereg he edeliǥen is kegkemekeǥeǥehem din te wazà pidtemanan. Berakat he maahà te menge etew kayi te tivuuk he kelibutan is kegkemekeǥeǥehem din. Amen! Amen!

Isaias 24:14

Is egkesamà he menge etew ne ebpemen-ugyab te kegkelipey zan. Is diyà te edsenlepan idsangyew zan is kegkemekeǥeǥehem te Nengazen.

Isaias 42:10

Kentahi niw is Nengazen te veǥu he kanta! Kanta kew te menge idalig kandin, minsan sikiyu is diyà te meziyù he vahin kayi te kelibutan. Deliǥa niw sikandin, sikiyu is ebpemen-untud te varku wey is langun he menge linimbag diyà te zaǥat, wey sikiyu is diyà ed-ubpà te meziyù he menge lugar.

Isaias 42:11

Deliǥa niw sikandin, sikiyu is diyà te menge inged he ziyà te sibsivayan wey sikiyu is menge meǥinged diyà te Kedar. Kanta kew tenged te kegkelipey, is menge etew ziyà te Sela. Ugyab kew ziyà te puntur te menge vuntud.

Isaias 44:23

Megkanta tenged te kegkelipey, is langit! Habet ka pengulahì, is kelibutan! Kanta kew is menge vuvungan wey menge kayu ziyà te ketelunan, su ebeelan heini te Nengazen. Edlibriyen din is menge kevuwazan ni Jacob; ibpeehè din diyà te Israel is kegkemekeǥeǥehem din.

Malakias 1:11

Ebentuǥen a ziyà te menge nasyun puun te kedsilà te andew pehendiyà te kedsanlep kayi. Ebpemuhaten a te veyewà wey lunsey he menge pemuhat diyà te langun he lugar, su ebentuǥen a ziyà te menge nasyun. Iyan a, is Nengazen he Mekeǥeǥehem, is migkaǥi kayi.