Biblia Todo Logo
Առցանց Աստվածաշունչ

- Գովազդներ -




Isaias 1:31 - Manobo Western Bukidnon OT

31 Is menge gehemanen diyà te keniyu egkeiring te kayu he neǥangu he melemu zà egkevinsuli, ne is mezaat he menge vaal zan egkeiring te regreg he iyan ebpekevinsul kandan, ne wazà ebpekeevuk keniyan he hapuy.

Տես գլուխը Պատճենել




Isaias 1:31
25 Խաչաձեւ Հղումներ  

Umbe, edrewakan te Megbevayà is kelibutan, ne televaken heini te menge meǥinged kayi tenged te menge salè dan. Edezeetan sikandan he iring te ebinsulan te hapuy, ne zeisey zà is egkesamà kandan.


Nengazen, andam ke en he edsilut kandan, iyan, wazè dan metueni heini. Petueni nu kandan Nengazen! El-eleza nu sikandan pinaaǥi te kebpaahaa nu kandan te kebmahala nu te menge etew nu. Binsuli nu sikandan te hapuy is menge kuntada nu.


Naawè en is pauk ku kayi he pemuleey. Piru emun duen egkeehè ku ziyà te kandin he zuǥiyen he zezeisey he menge kayu, egkuntedahan ku sikandin ne ebinsulan ku.


Sikiyu is menge tig-Asiria, wazà pulus te pelanu niw wey vaal niw. Is pauk niw he henduen be te egkeregreg he hapuy, ne iyan dà ebpekezezaat keniyu.


Mibpengerker tenged te kekahandek is menge mekesasalà diyà te Zion. Egkaǥi sikandan te, “Is Megbevayà, iring te edriyubriyub he hapuy he kenà egkeuvukan. Hentei man kenitew is ebpekeubpà diyà te etuvangan te Megbevayà?”


Pinaaǥi te ǥehem din edhukuman din wey edlumpiyuwan din is kelelalung te menge vahi ziyà te Jerusalem wey is kebpemenhimatey zutun.


Midtiǥum ku is menge kerwahi, menge kudà, wey menge sundaru te Ehipto, ne midezeetan sikandan diyà te zaǥat, ne kenè en sikandan ebpekeenew. Neiring sikandan te sulù he neevukan.


Umbe, iring kew te neǥangu he reǥami wey sagbet he meǥaan dà edeketi te hapuy wey egkeigmuk; segugunè kew egkengezeeti. Egkeiring kew te pinemula he neredak is dalid din, ne is menge kevukad din, inlayap he henduen dà te eliyavuk, su geina te inselikwey niw is Kesuǥuan te Nengazen he Mekeǥeǥehem, kes Waǥas he Megbeveyà te Israel.


Piru mebpekevantey kew mulà is ed-isip edezaat te zuma he etew; egkeuney kew zuen te mezaat he mid-isip niw! Iyan mismu is Nengazen edsilut keniyu; ebpematey kew tenged te kebpurungi zin kedsiluti keniyu.


Migkaǥi is Nengazen te, “Ebpekedreredsà is kebpatey te menge etew he midwaǥas dan wey midlumpiyuwan dan is keugelingen dan pinaaǥi te ked-azap dan te menge ed-ezapen dan diyà te pemuleey. Ebpematey sikandan is egkaan te vavuy, rumat, wey te zuma pa he keenen he utew mezaat.


Ne emun egawas dan diyà te Jerusalem is ebpemen-azap dutun, egkeehè dan is menge lawa te mibpematey he menge etew he nekidsukulà kediey. Is menge tagkey he egkaan kandan ne kenà ebpatey, ne is hapuy he ebpeketutung kandan ne kenà egkeevukan. Ne igkelimezangi sikandan te langun he menge etew.”


Tenged te pauk te Nengazen he Mekeǥeǥehem, egkevinsulan is tanè dan, ne egkehimu sikandan he tavun he ed-epuren te hapuy. Kenè dan egkehizuwan minsan is iring dan he menge Israilihanen.


Diyà te lugar te menge minatey, igalewǥalew te mekeǥeǥehem he menge pengulu is tig-Ehipto wey is menge etew ziyà te menge nasyun he nekidsevaha kandan. Egkaǥi zan te, ‘Mibpenaug dan daan dini! Ne zuma zan en guntaan is menge wazà medtuu te Megbevayà he nemematey te tebek.’


Migkaǥi is Nengazen he Mekeǥeǥehem, “Siguradu iyan he egkehitavù is kegkeuma te andew te Nengazen he Mekeǥeǥehem. Ne iring is kegkehitevùa kayi te rapug he egkiràkirà. Is langun he mepelevawen wey menge lalung, ne egkeiring sikandan te ebinsulan he kayu he wazà egkesamà he subpang wey zalid.


Hein nekeuma zan diyà te Lehi, midsinuǥung sikandin te menge Filistihanen he ebpememensag. Midumala si Samson te Mulin-ulin te Nengazen su nengebidtew is imbakus kandin he iring dà te tanur he edtutungen ne nengeulug heini puun te menge velad din.


Հետեւեք մեզ:

Գովազդներ


Գովազդներ