Hoseas 9:8 - Manobo Western Bukidnon OT

⁸ Ne ǥeina te ebpeneuven a, ne ebpekiduma kedì is Megbevayà te kebantey keniyu te menge tig-Israel. Piru minsan hendei a ebpevayà ne egkesuatan a keniyu te edezaat; ne iring a te tagbis he egkesuatan niw te edhingutel. Egkeepesan a te menge etew ziyà te Israel, he mid-isip te Megbevayè ku he ubpeey zin.

Hoseas 9:8 Խաչաձեւ Հղումներ

Hoseas 5:1

Migkaǥi pa is Nengazen te, “Pemineg kew, is menge etew te Israel, ragkes kew en is menge memumuhat wey menge sakup te pemilya te hadì, su heini he kedhukum ne para keniyu: Iring kew te penuǥes he nekeutel, su nezeetan tenged keniyu is menge etew ziyà te Mizpa wey Tabor.

Ezekiel 3:17

“Sikew is etew, midhimu ku sikew he perevantey te menge etew te Israel. Umbe emun duen egkezineg nu he petizaan he ebpuun kayi te kedì ne segugunè nu keǥiya ziyà te kandan.

Micas 7:4

Is kinemetezengan kandan ne iring dà te zuǥiyen he sagbet he wazè din pulus. Neume en is timpu he edsilutan te Megbevayà heini he menge etew sumalà te impetizaan din kandan pinaaǥi te menge ebpeneuven he iring te menge perevantey te turi. Umbe ǥuntaan egkengeliveǥan sikandan.

Isaias 62:6

He Jerusalem, mibpeventayan ku te menge vantey is menge verengbeng nu, ne kenà sikandan ed-engked te ked-ampù te Nengazen. Sikiyu is ebuyù te tavang te Megbevayà, penigudu kew medhangyù.

Ezekiel 33:7

Mibpedayun megkaǥi is Nengazen te, “Sikew is etew, mibpilì ku sikew he ed-elima te menge etew te Israel, umbe pemineǥa nu is egkeǥiyen ku, ne segugunè nu petizeeni is menge etew.

Penhulùhulù 4:13

Piru nehitavù heini tenged te menge salà te menge ebpeneuven kandan wey te menge memumuhat dan, he ebpenhimatey te menge etew he kenà ereg he edhimetayan.

Penhulùhulù 2:14

Is menge lalag te ebpemeneuven diyà te keniyu ne kenà tutuu. Wazè din pulus ne ebpeketazin keniyu. Wazè dan ipahayag is menge salè niw he iyan pezem kenè niw igkevihag.

Jeremias 31:6

Egkeuma is timpu he zutun is menge vantey ziyà te menge vuvungan he Efraim ne ebpemensag, ‘Hendini kew, su edtekezeg kiw ziyà te Jerusalem te ked-azap te Nengazen he Megbevayè tew.’ ”

Jeremias 14:13

Piru migkaǥi a te, “He Nengazen he MEGBEVAYÀ, netuenan nu he layun sikandan egkeǥiyi te menge ebpeneuven he wazè kun ebpekeuma he tebek wey vitil, su geina te migkaǥi ka he ebeǥayan nu sikandan te kelinew kayi te nasyun dan.”

Jeremias 6:17

Mibpilì a te vantey he ibpekaǥi ku keniyu te, ‘Pemineǥa niw is kebpezaǥing te vudyung su wey kew mekepengandam.’ Piru migkaǥi kew te, ‘Kenè key mulà ebpemineg.’

Jeremias 6:14

Wazè dan seǥipaa is palì te menge etew ku he iyan is uvag dà he kedtuu. Minsan gerabi heini, egkaǥi zan te ‘melinawen kiw’ minsan pa te iyan tutuu is duen tebek.

Solomon 3:3

Naahà a te menge vantey zutun te edrunda sikandan dutun te inged. Mid-insaan ku sikandan te, “Neehè niw ve is minahal ku?”

2 Hadì 13:21

Duen timpu he edleveng pezem is menge Israilihanen te minatey. Piru hein neehè dan te grupu te menge Moabitanhen he edsurung, inggaanggaan dan dà iseled haazà is minatey ziyà te surung he midlevengan ki Elisha ne mibpelaǥuy zan. Ne hein nekezegkit haazà is minatey ziyà te menge tulan ni Elisha, neuyaǥan haazà ne midhitindeg.

2 Hadì 7:19

Dutun he timpu midtavak sikan is upisyal te hadì te, “Kenà heeyan egkehitavù, su minsan dekelà is menge sebpet su ibpeuzan te Nengazen, ne kenà iring keniyan keveratu is keenen.” Midtavak si Elisha te, “Egkeehè nu is kegkeul-ulaha kayi, piru kenè ka ebpekekaan duen te nekaǥi ku.”

2 Hadì 7:2

Ne Migkaǥi haazà is upisyal he sineriǥan te hadì te, “Kenà heeyan egkehitavù, su minsan dekelà is menge sebpet su ibpeuzan te Nengazen, ne kenà iring keniyan keveratu is keenen.” Midtavak si Elisha te, “Egkeehè nu is kegkeul-ulaha kayi, piru kenè ka ebpekekaan duen te nekaǥi ku.”

2 Hadì 5:27

Ne tenged te kebeeli nu kayi, edhalin diyà te kenikew is daru ni Naaman wey ziyà te menge kevuwazan nu taman te taman.” Ne hein mid-ewaan en ni Gehazi si Elisha mibmeputì is lundis din tenged duen te zaru.

2 Hadì 5:14

Umbe, midhendiyà si Naaman te Wahig he Jordan ne midlùluan din is lawa zin te kepipitu, sumalà is nekaǥi te suluǥuen te Megbevayà he si Elisha. Ne neulian is daru zin, ne mibmetilak is lundis din he henduen be te lundis te zeisey pa he vatà.

2 Hadì 4:43

Migkaǥi is suluǥuen din te, “Ebmenmenuwen ku para meketukid heini te 100 he menge etew?” Midtavak si Elisha te, “Iveǥey nu zà diyà te kandan su wey zan mekekaan. Su migkaǥi is Nengazen te ebpekekaan dan ne zuen pa egkesamà.”

2 Hadì 4:41

Migkaǥi si Elisha te, “Kuwai a te herina.” Imbusbus din haazà is harina zuen te kuzen ne ke sikandin diyà te suluǥuen te, “Ipemeǥey nu en diyà te kandan su wey zan mekekaan en.” Ne meupiyè en human is taam kayi.

2 Hadì 2:21

Ne migenat sikandin pehendiyà te wahig ne insimburè din haazà is timus he ke sikandin te, “Iyan heini egkeǥiyen te Nengazen: ‘Midlumpiyuwan ku en heini he wahig, ne kenè en heini ebpekepatey etawa ebpekepeengked te tuvù te pinemula.’ ”

2 Hadì 2:14

Ne inlagkut din diyà te wahig sikan is samput ni Elias ke sikandan te, “Hendei en is Nengazen he Megbevayà ni Elias?” Ne hein mibeelan din haazà, ne neluwisan dutun is nezalandalan he tanà ne segugunà sikandin midlayun.

1 Hadì 22:28

Migkaǥi si Micaya te, “Emun ebpekelikù ka he kenà egkekeizan, ne wazà heeyan keǥiya te Nengazen pinaaǥi kedì.” Ne zutun migkeǥiyan ni Micaya is langun he menge etew zutun te, “Tentenuzi niw heini is migkaǥi ku!”

1 Hadì 22:22

Ne mid-insà is Nengazen, ‘Te, hengkey he paaǥi?’ Midtavak sikandin te, ‘Egenat a ne ibpetarùtarù ku is menge ebpeneuven he sakup ni Ahab.’ Migkaǥi is Nengazen te, ‘Genat ka ne iyan heeyan beeli nu. Ebmezeeǥen ka te ked-akal kandin.’ ”

1 Hadì 22:11

Si Zedekia he sevaha te menge ebpeneuven, he anak ni Kenaana, mibaal te mid-iring te sungey he putew. Ke sikandin te, “Iyan heini migkaǥi te Nengazen: Pinaaǥi kayi he sungey, edezeetan nu, Hadì Ahab, is menge Aramihanen taman te egkaamin sikandan.”

1 Hadì 22:6

Umbe, impetawag ni Ahab is menge ebpeneuven–400 sikandan langun, ne mid-insà te, “Egenat e ve te kebpekidtebek diyà te Ramot Gilead etawa kenà?” Midtavak dan te, “Genat kad, su ebpengelinteuwan te Nengazen he mekezaag ka!”

1 Hadì 18:19

Ne ǥuntaan, ipetiǥum nu is langun he menge etew te Israel kayi te kedì diyà te Buntud he Carmel. Ne ipehendiyè nu zaan sikan is 450 he ebpeneuven ni Baal wey is 400 he ebpeneuven ni Ashera, he ibpemekaan ni Jezebel.”

1 Hadì 18:1

Tetelu en he tuig he wazà med-uzan. Ne sevaha zutun he timpu, migkaǥi is Nengazen diyà te ki Elias te, “Hipanew ka ne peehè ka ki Ahab, su ibpeuzan ku en.”

1 Hadì 17:1

Ne zuen sevaha he ebpeneuven te Nengazen he iyan ngazan din si Elias. Meǥinged sikandin diyà te Tishbe, he sakup te Gilead. Migkeǥiyan din si Ahab te, “Kayi te etuvangan te uuyag he Nengazen he Megbevayà te Israel he iyan ed-zapen ku, egkeǥiyen ku kenikew he siguradu wazà dehemug etawa uzan he ebpekeuma seled te egkepipira he tuig emun kenà a egkaǥi he ebpekeuma heini.”

Salmo 124:7

Nekepelaǥuy kiw iring te tagbis he nelitag he nekaawà su merunut en is tali.

Megwewali 9:12

Ne wazà hanew te etew ke keenu heeyan egkehitavù. Umbe iring is etew te tagbis he nelitag etawa isdà he nepuket; egkebiktima sikandin te mezaat he hitavù he egketik-ew egkeulaula ziyà te kandin.

Jeremias 23:13

“Neehè ku he utew subra is kelelalung te menge ebpeneuven diyà te Samaria, su edheǥeten dan is menge tagnè dan pinaaǥi te ngazan ni Baal ne midtazin dan is menge etew ku he Israilihanen.

Hoseas 9:7

“Menge tig-Israel, neume en is timpu te kedsiluti keniyu, kes timpu he ebelesan kew tenged te menge mibeelan niw. Ne egketuenan niw he neume en heini. Ne iyan lalag niw mehitenged kedì is, ‘Tulebung heeyan he ebpeneuven! Engey heeyan is edumelahan te mulin-ulin!’ Iyan heeyan lalag niw mehitenged kedì su ǥeina te zekelè en is salè niw ne egkeepesan a keniyu.

Hoseas 9:9

Midtaman kew en he menge lalung, iring kew en duen te menge maama zengan diyà te Gibea. Edtentenuzan te Megbevayè is kelelalung niw; edsilutan kew zin tenged te menge salè niw.”

Jeremias 11:19

Iring a te kerehidu he wazè din hanew he ed-uwiten en bes diyà te lepeey. Wazè ku metueni he zuen bes pelanu zan he edhimetayan e zan. Ke sikandan te, “Edhimetayan tew sikandin iring te kebpiley te kayu he zuen din beǥas, su para maawà sikandin kayi te kelibutan su wey kenè en metenuzi.”