Genesis 9:16 - Manobo Western Bukidnon OT

¹⁶ Emun egkeehè niw is belugtu ziyà te menge ǥapun, ed-ahaan ku zaan, ne edtenuzan ku is wazà pidtemanan he kebpekid-uyun ku keniyu te langun he linimbag ku ziyan te kelibutan he egeǥehinawa.”

Genesis 9:16 Խաչաձեւ Հղումներ

Genesis 17:19

Ne midtavak is Megbevayà te, “Iyan heini tutuu: Si Sara is esawa nu, ed-anak te maama, ne iyan ingazan nu kandin si Isaac, he ke và dà egkeǥiya, ‘Ked-engit’. Ibpelaus ku ziyà te kandin wey ziyà te menge kevuwazan din te wazà pidtemanan sikan is kebpekid-uyun ku kenikew taman te taman.

Genesis 17:7

Edtumanen ku is kebpekid-uyun ku kenikew wey te menge kevuwazan nu te peleebuten he lapis te kevuwazan, ne pedayun a he Megbevayè niw. Heini he kebpekid-uyun ku ne taman te taman.

Genesis 9:17

Ne migkaǥi zaan is Megbevayà diyà te ki Noe te, “Is belugtu, ne iyan tuus te kebpekid-uyun ku keniyu te langun he egeǥehinawa zini te kelibutan.”

2 Samuel 23:5

Iyan heeyan ked-ahà te Megbevayà te pemilya ku, su midhimu sikandin kayi te kedì te kebpekid-uyun he wazà pidtemanan. Heini he kebpekid-uyun, ne kenè en egkevelvelewanan ne kenè en daan egkeilisan. Umbe egkeperateng ku he lelayun a edluwasa te Megbevayà, wey ibeǥey zin kedì is langun he egkesuatan ku.

Isaias 55:3

Uvey kew wey mebpemineg kediey su wey kew meuyag. Ebpekid-uyun a keniyu te wazà pidtemanan. Ibpeehè ku keniyu is gaǥew wey kebmetinumanen ku he insaad ku ki David.

Jeremias 32:40

Ebpekid-uyun a kandan te wazà pidtemanan, idsaad ku kandan he layun a ebaal te meupiya ziyà te kandan. Ebeǥayan ku sikandan te tinguhà te kedtahud kediey, su wey zan kenà med-awà kayi te kedì.

Ezekiel 34:26

Edtuvazan ku sikandan wey is menge lugar peliǥuy te segradu he vuntud ku. Edtuvazan ku sikandan pinaaǥi te kebpeuzani ku kandan dutun te hustu he timpu.

Ezekiel 37:26

Ne ebpekid-uyun a kandan he ebpekeubpà sikandan he meupiya is kebpekesavuk, ne heini he uyun ebpedayun te taman te taman. Ibpeubpè ku sikandan diyà te tanè dan, ne ibpemahabet ku sikandan, ne ebengunen ku ziyà te kandan is baley ku te wazà pidtemanan.