Genesis 6:6 - Manobo Western Bukidnon OT

⁶ Ne neisip din he zeyzey pezem ke wazè din limbaǥa is menusiyà ne utew sikandin dutun neseeng.

Genesis 6:6 Խաչաձեւ Հղումներ

Genesis 6:7

Umbe ke sikandin te, “Edlumpiyuwan ku is kelibutan su edlimasen ku zutun is menge etew he linimbag ku. Edhimetayan ku is menge etew, menge langgam, menge keranapranap wey is menge tagbis he ziyà te hewhewanan, su deyzey pa pezem ke wazè ku sikandan limbaǥa.”

2 Samuel 24:16

Hein naandam en is belinsuǥuen he edezaat pezem te Jerusalem, ne nahalin is isip te Nengazen te kedsilut te menge etew. Ne zutun migkeǥiyan din haazà is belinsuǥuen he edsilut dutun te menge etew te, “Hustu en! Kenè nu en sikandan siluti.” Haazà he timpu diyà haazà is belinsuǥuen te Nengazen te gunasà ni Arauna he Jebusihanen.

1 Cronica 21:15

Ne midsuǥù daan is Megbevayà te velinsuǥuen diyà te Jerusalem para te kebpendezaat, piru zutun te kemulu en heini ebpendezaat nahalin is isip te Nengazen. Ne migkeǥiyan din haazà is belinsuǥuen he ebpendezaat te menge etew te, “Hustu en! Kenè nu en sikandan siluti.” Haazà he timpu ne diyà medhitindeg haazà is belinsuǥuen te Nengazen te gunasà ni Arauna he Jebusihanen.

Salmo 106:45

Midtentenuzan te Megbevayà is kebpekid-uyun din kandan, ne tenged te utew zin kebmahala kandan, nahalin is isip din ne kenè din en sikandan edsilutan.

Salmo 110:4

Nenangdù is Nengazen, ne kenà egkahalin is isip din, he memumuhat ka te wazà pidtemanan, iring te kegkememumuhat ni Melkizedek.

Salmo 119:158

Egkeepesan ku is menge etew he kenà tinutuuwà is kebpekidepità dan kenikew, su wazè dan tumana is lalag nu.

Salmo 78:40

Diyà te sibsivayan, layun dan edsupaka wey ebeǥayi te seeng is Megbevayà.

Salmo 81:13

Emun pezem ebpemineg kew kedì wey edtumanen niw is menge paaǥi ku,

Salmo 95:10

Ne seled te 40 he tuig is kegkepeuki ku zutun he lapis te kevuwazan. Ne migkaǥi ku he mid-iniyuǥan a zutun he menge etew ne wazè dan sunuza is impenurù ku kandan.

Exodus 32:14

Ne tenged kayi wazè ded leusi te Nengazen te edezaat is menge etew zin.

Isaias 48:18

Angin pezem ke midtuman niw is menge suǥù ku, su egkeiring pezem te wahig he edtudà diyà te keniyu is menge keupiyaanan, ne ebpekedtutundug dà pezem is menge kezeeǥan niw iring te menge vaǥel he ebpenhendiyà te veyvey.

Isaias 63:10

Piru nekidsukulà sikandan, ne pinaaǥi zutun midhimu zan he meseeng is Waǥas he Mulin-ulin din. Umbe migkuntada sikandan te Nengazen, ne nehimu sikandin he kuntada zan.

Jeremias 18:7

Emun egkaǥi a he is sevaha he nasyun etawa ginhedian egkaawà is gehem din wey egkezeetan,

Jeremias 26:19

Ne midhimetayan be sikandin ni Hezekia wey te minsan hentei kayi te Juda? Wazà! Su midtahud ni Hezekia is Nengazen ne midangep diyà te kandin. Umbe wazà leusa te Nengazen is kezeetan he migkaǥi zin he ebpekesuǥat kandan. Ne ǥuntaan emun edhimetayan niw si Jeremias, ne iyan kew mismu ed-uwit te mekahandekhandek he idsilut keniyu.”

Ezekiel 33:11

Ne ǥuntaan keǥiyi nu sikandan he siak, is Nengazen he MEGBEVAYÀ he uuyag, migkaǥi a he kenà a egkelipey emun duen ebpatey he lalung he etew. Iyan suat ku he engkezi zan is mezaat he menge vaal zan su wey zan meuyag-uyag. Umbe sikiyu is menge etew te Israel, engkezi niw en is mezaat he menge vaal niw. Maan is egkesuat kew he ebpatey?

Hoseas 11:8

“Sikiyu is menge tig-Israel, kenè ku egkehimu is kedselikwey wey kebey-ani keniyu. Kenè ku egkehimu is kebpurungi kedezeeti keniyu iring te mibeelan ku ziyà te inged he Adma wey Zeboyim. Utew ebmesakit is gehinawa ku emun ebeelan ku heini ziyà te keniyu. Nehizuwan ku sikiyu.

Joel 2:13

Iniyuǥi niw is kelelalung te ked-iniyug he ebpuun diyà te gehinawa niw, ne kenà bà dà ibpaahà pinaaǥi te kebindasa niw te visti niw. Likù kew ziyà te Nengazen he Megbevayè niw, su hihizuwen sikandin wey iipengen. Mepinelenggaan sikandin wey kenà pepeuken. Andam sikandin he edhalin te isip din, ne kenè din en edleusen is kebpaaǥi zin te kezeetan.

Jonas 3:10

Ne hein naahà te Megbevayà is mid-ulaula zan he iyan is ked-engkezi zan te mezaat he menge ulaula, nehizuwan din sikandan ne wazè din sikandan leusi te edlimas.

Malakias 3:6

Migkaǥi pa is Nengazen he Mekeǥeǥehem, “Siak, is Nengazen, kenà a egkahalin. Umbe wazè kew mepuew is menge kevuwazan ni Jacob.

Numero 23:19

Is Megbevayà kenà iring te etew he edtarùtarù; kenà egkahalin is isip din. Duen be nekaǥi zin he ebeelan din he wazè din beeli? Duen be saad din he wazè din tumana?

Deuteronomio 32:29

Ke metau zan pa pezem ne egkesavut dan ke hengkey is egketemanan dan diyà te menge egkehuziyan he timpu.

Deuteronomio 32:36

Edhukum is Nengazen he edlavan te menge etew zin; egkehizuwan din sikandan is menge suluǥuen din, emun egkeehè din he wazè dan en desen wey zeisey zà is egkesamà kandan, uripen man etawa kenà uripen.

Deuteronomio 5:29

Ne zeyzey ke layun dan edtahud kedì wey edtumanen dan is menge suǥù ku su para mebmeupiya is kebpekesavuk dan wey te menge kevuwazan dan te taman te taman.

1 Samuel 15:11

“Mibesulan ku is kedhimuwa ku ki Saul he hadì, tenged te mid-iniyuǥan e zin ne wazè din daan tumana is suǥù ku.” Hein nezineg haazà ni Samuel, utew sikandin nepauk, umbe midhangyù sikandin diyà te Nengazen te tivuuk he kezukileman.

1 Samuel 15:29

Is Megbevayà utew lavew he ebentuǥen te Israel ne kenà teruen ne kenà daan egkehalin is isip din, su kenè man iring te etew he egkahalinhalin is isip.”

1 Samuel 15:35

Puun dutun wazè en mebpekidhinguma si Samuel ki Saul taman te minatey si Samuel, piru ingkeseeng ni Samuel is neulaula ni Saul. Nekedsendit is Nengazen te kedhimuwa zin ki Saul he hadì te Israel.