Genesis 49:3 - Manobo Western Bukidnon OT

³ “Sikew Reuben, is kinekekayan he anak ku, iyan ka nehuna he veǥas te kegkemaama ku. Edhuna is kegkeventuǥa wey kedtehuza kenikew te menge suled nu.

Genesis 49:3 Խաչաձեւ Հղումներ

Genesis 29:32

Mibmeǥingey si Lea ne mid-anak te maama ne migngezanan din ki Reuben, su ke sikandin te, “Naahà te Nengazen is merasey he egkeulaula ku, guntaan siguradu he ebmahalen ad human te esawa ku.”

Genesis 35:22

Ne zutun te timpu he kemulu pa ed-ubpà ensi Jacob dutun, midhulizan ni Reuben is esawa te amey zin he si Bilha. Hein netuenan haazà ni Jacob, utew sikandin nepauk. Duen 12 he menge anak ni Jacob.

Genesis 35:23

Is menge anak din diyà te ki Lea ne iyan si Reuben, is kakey, ne sunud si Simeon, si Levi, si Juda, si Isacar, wey si Zebulun.

Genesis 46:8

Iyan heini menge ngazan te menge Israilihanen he menge kevuwazan ni Jacob he midhendiyà te Ehipto: si Reuben is kinekekayan he anak ni Jacob,

Genesis 48:18

Migkaǥi si Jose te, “Amà, kenà haazà hustu. Su iyan heini kakey; kinahanglan he iyan nu sikandin edempaan te kewanan.”

1 Cronica 2:1

Iyan heini sikandan menge anak ni Israel he menge maama: Reuben, Simeon, Levi, Juda, Isacar, Zebulun,

1 Cronica 5:1

Si Reuben ne iyan kinekekayan he anak ni Israel, ne tenged te mibeelan din he nekidhulid te sevaha zuen te menge esawa te amey zin, ne mid-ewaan sikandin te ketenged din te kegkekakey ne ziyà iveǥey te menge anak te suled din he si Jose. Umbe wazà ilista is kegkekakey zin diyà te listahan te kegkevuwad dan.

1 Cronica 5:3

Iyan heini menge anak ni Reuben he kinekekayan ni Israel: si Hanoc, Palu, Hezron, wey si Carmi.

Salmo 105:36

Mibpenhimetayan te Megbevayà is langun he kinekekayan he menge anak dan he maama.

Salmo 78:51

Mibpenhimetayan din is langun he penganey he menge anak he maama diyà te Ehipto, he iyan kes menge kevuwazan ni Ham.

Numero 1:20

Iyan heini kezakel te menge maama he 20 he tuig is keǥurang dan pehendiyà te metikang he egkehimu en he edsunderuwen, he ingkelista ziyà te kada tribu wey pemilya: Ngazan te Tribu; Kahabet Reuben (kes kinekekayan he anak ni Jacob); 46,500 Simeon; 59,300 Gad; 45,650 Juda; 74,600 Isacar; 54,400 Zebulun; 57,400 Efraim (he anak ni Jose); 40,500 Manase (he anak ni Jose); 32,200 Benjamin; 35,400 Dan; 62,700 Asher; 41,500 Naftali; 53,400

Numero 26:5

Is menge kevuwazan ni Reuben te kinekekayan he anak ni Jacob, iyan is pemilya ni Hanoc, Palu,

Deuteronomio 21:17

Kinahanglan he egkilelaan din is kegkekakey zuen te kinekekayan he anak din minsan wazè din mahala is bahi he teǥianak duen. Ne ke sengemenu kezekelà is bahin te zuma, ne tekepa zin is ibahin din kandin su iyan sikandin nehuna he anak din ne zuen din ketenged te kedawat te vahin he para te kinekekayan he anak.

Deuteronomio 27:13

Ne iyan maan heini menge tribu he edhitindeg diyà te Buntud he Ebal te kedrawak te menge etew: is tribu ni Reuben, Gad, Asher, Zebulun, Dan, wey Naftali.

Deuteronomio 33:6

Mehitenged te tribu ni Reuben migkaǥi si Moises te, “Berakat he kenà maawà is menge kevuwazan ni Reuben minsan pa te zeisey zà sikandan.”