Genesis 47:22 - Manobo Western Bukidnon OT

²² Iyan dà tanà he wazè din mekuwa sikan is gaked te menge memumuhat su zuen layun idsuhul kandan te hadì ne tenged dutun wazè dan mulà bitila ne wazè dan ikevelegyà is tanè dan.

Genesis 47:22 Խաչաձեւ Հղումներ

Genesis 14:18

Ne zuen hadì te inged he Salem he si Melkizedek he midsinuǥung daan kandan. Mid-uwit sikandin te supas wey vinu su ibpekaan din wey ibpeinum din ki Abram. Memumuhat si Melkizedek te Utew Lavew he Megbevayà.

Genesis 41:45

Ne migngezanan dutun te hadì si Jose te si Zafenat Panea, ne impepengesawa zin ki Asenat he anak ni Potifera he iyan lavew he memumuhat diyà te inged he On. Ne nehimu si Jose he gubirnedur te tivuuk he ǥinhedian te Ehipto.

Genesis 41:50

Ne te wazè pa meuma sikan is pitu he tuig he vitil duen dezuwa he anak he maama ni Jose he in-anak te esawa zin he si Asenat, sikan is anak ni Potifera he memumuhat diyà te On.

Genesis 47:21

Pinaaǥi zutun midhimu ni Jose he menge suluǥuen te hadì is menge etew ziyà te tivuuk he tanà te Ehipto.

Genesis 47:23

Ne zuen migkaǥi ni Jose ziyà te menge etew, ke sikandin te, “Guntaan te nepemasa ku en sikiyu wey is menge tanè niw he para te hadì, ebeǥayan ku sikiyu te venì wey kew mekepemula.

Genesis 47:26

Umbe midhimu ni Jose is belaud diyà te tanà te Ehipto he is ikelima he vahin te egkeraǥun ne para te hadì. Heini he velaud kemulu pa taman en guntaan. Iyan dà wazà maangken te hadì is tanà te menge memumuhat.

2 Samuel 8:18

Is pengulu te tigbantey ki David he menge Kiritnen wey menge Pilitnen, iyan si Benaya he anak ni Jehoyada. Ne is menge anak ni David he menge maama, iyan megsesambag din.

Ezra 7:24

Ibpehibelu zey zaan diyà te keniyu he kenè niw ipevayad te vuhis wey zuma pa he menge veleyazan is menge memumuhat, menge Levihanen, menge musikiru, menge vantey te menge ǥemawan te valey te Nengazen, menge suluǥuen diyà te valey te Nengazen, wey is duma pa he ebpemenerebahu zutun te valey te Nengazen.

Nehemias 13:10

Netuenan ku he wazà meveǥayi is menge Levihanen te kandan he vahin. Umbe sikandan wey is menge perekanta he midseriǥan te menge vuluhaten diyà te valey te Nengazen nemen-ulì en is nemenerebahu ziyà te tanà.

Deuteronomio 12:19

Kenè niw limbe pesegdana is menge Levihanen mintras kemulu kew pa ed-ubpà diyà te tanè niw.