Genesis 43:4 - Manobo Western Bukidnon OT

⁴ Ne emun ibpezuma nu si Benjamin edhendiyè key ne ebpemasa key te egkeenen tew.

Genesis 43:4 Խաչաձեւ Հղումներ

Genesis 42:2

Nezineg ku he zuen kun egkeenen diyà te Ehipto. Hendiyè kew ne pemasa kew te egkeenen su wey kiw kenà mebpatey kayi te vitil.”

Genesis 43:2

Ne hein naamin dan en is egkeenen he migkuwa zan diyà te Ehipto migkaǥi si Jacob diyà te kandan te, “Hendiyè kew en maan wey kew mekepemasa te egkeenen tew minsan deisey zà.”

Genesis 43:3

Ne midtavak si Juda te, “Haazà is gubirnedur, mibpeketelteleenan key zin he kenà egkehimu he ebpekeetuvang key ziyà te kandin emun kenè dey egkezuma is hazi zey.

Genesis 43:5

Iyan, emun kenè nu ibpezuma, ne kenè key zaan edhendiyà su migkaǥi sikan is gubirnedur he emun kenè dey egkezuma is hazi zey ne kenà egkehimu he ebpekeetuvang key ziyà te kandin.”

Genesis 44:26

Ne migkaǥi key zutun he kenè key ebpekelikù. Wey key zà ebpekelikù ke egkezuma zey is hazi zey su migkaǥi key he kenà egkehimu he ebpekeetuvang key kenikew emun kenà ebpekezuma is hazi zey.