Genesis 43:15 - Manobo Western Bukidnon OT

¹⁵ Ne zutun mibpenines dan is menge igasa zan ne midtakep dan is selapì dan. Migenat dan ne miduma zan si Benjamin pehendiyà te Ehipto, ne mibpekid-ehè dan te ki Jose.

Genesis 43:15 Խաչաձեւ Հղումներ

Genesis 42:35

Ne hein imbusbus dan is taǥù te menge saku zan neehè dan diyà te kada saku is selapì he imbayad te kada sevaha. Ne zutun te kegkaahaa ni Jacob wey is menge anak din te selapì dan ne utew zan migkulbai.

Genesis 43:11

Ne migkaǥi zutun is amey zan te, “Emun iyan en heeyan egkeulaula su wazà duma he paaǥi, ne zeyzey ke zuen edtinesen niw he menge meupiya he igasa he zini ebpuun te kenitew wey niw meuwit diyà te egalen dan. Uwit kew te menge bawì, teneb, penaket, menge perehemut, wey menge veǥas te kayu he pistasyu wey almindru.

Genesis 43:21

Piru hein nezukileman key ne nekehulavung key ziyà te sevaha he lugar, ne mibengkasan dey is menge saku zey, ne neehè dey zutun te menge saku zey sikan is selapì he impemasa zey te egkekaan. Heini zed, id-ulì dey.

Genesis 43:25

Ne mid-andam dan dutun is menge igasa zan ki Jose ke ed-ulì te meudtu su nezineg dan he ziyè din sikandan ibpekaan te valey zin.

2 Cronica 28:7

Si Zicri is sevaha zuen te utew memevurut he menge sundaru te Israel, midhimetayan din si Maasea he anak ni Hadì Ahaz, si Azrikam he sineriǥan diyà te turuǥan, wey si Elkana he ikezuwa te hadì.

Erubasa 19:6

Mahabet is edhimu te paaǥi wey zin mepenunuat is etew he lavew is pid-etawan din, ne emun duen etew he ebpekeveǥey te menge keupiyaanan ne mahabet is egkaǥi he emiǥu zin haazà is nekeveǥey te menge keupiyaanan.