Genesis 40:6 - Manobo Western Bukidnon OT

⁶ Ne hein nepawà te kedleuya kandan ni Jose, neehè din he utew zan neseeng.

Genesis 40:6 Խաչաձեւ Հղումներ

Genesis 40:5

Sevaha zutun he mezukilem, neketeǥeinep kes pereuwit te inumen wey mememaal te supas dutun te kemulu pa sikandan nepirisu. Uman sevaha kandan ne selakew is teǥeinep din wey selakew is kehuluǥan te teǥeinep din.

Genesis 40:7

Mid-insaan din haazà is dezuwa he upisyal te hadì te Ehipto ke maan is utew zan neseeng.

Genesis 40:8

Ne midtavak dan te, “Geina te neketeǥeinep key, iyan, wazà ebpekeseysey ke hengkey is kehuluǥan duen te teǥeinep dey.” Ne migkaǥi zutun si Jose te, “Megbevayè dà is ebpekepezayag kenitew te kehuluǥan te menge teǥeinep. Keǥiya niw kun kediey is teǥeinep niw.”

Genesis 41:8

Ne hein nepawà, utew neliveg haazà is hadì tenged dutun te menge teǥeinep din, ne impetawag din is langun he menge selemengkiru wey uluwanen he menge etew ziyà te ǥinhedian din he Ehipto. Ne midtudtulan din sikandan te menge teǥeinep din, piru wazà minsan hentei kandan he ebpekeseysey zutun te hadì ke hengkey is kehuluǥan dutun.

Daniel 4:5

Piru zuen ku teǥeinep he ingkahandek ku wey ingkesemuki ku.

Daniel 5:6

Ne tenged dutun mibpengerker wey mibmemeluntak haazà is hadì te kegkahandek din.

Daniel 7:28

“Iyan heeyan teǥeinep ku. Ingkeherati ku heini ne mibmemeluntak a te kegkulbai ku. Iyan, wazà ku heini tudtula ziyà te minsan hentei.”

Daniel 8:27

Ne kegkepasad kayi, siak si Daniel, midluyahan a wey nezeruwan a te nepipira he andew. Ne kegkeulii kedì, midlikuan ku te edterebahu is insarig kedì te hadì. Piru kemulu a egkeliveǥi zuen te nelewasan ku. Mereǥen heini he edsevutan.