Genesis 4:7 - Manobo Western Bukidnon OT

⁷ Su emun hustu is ed-ul-ulahan nu edewaten ku sikew; ne emun kenà, melemu ka ebpekesalà, su is salà ne iring te kumekaid he langgam he ed-ayan kenikew keniyan te ǥemawan. Utew zin egkesuati he mezaag ke zin, iyan, kinahanglan he iyan ka edaag kandin.”

Genesis 4:7 Խաչաձեւ Հղումներ

Genesis 19:21

Ne midtavak dutun is belinsuǥuen te, “Uya, egkehimu; idtuǥut ku heini is hangyù nu. Kenè ku en edèdeetan haazà is inged he egkeǥiyen nu.

Genesis 3:16

Ne zutun migkeǥiyan din daan is bahi, ke sikandin te, “Tenged te mid-ulaula nu, edhimuwen ku he utew mesakit is kebelilita kenikew ke ed-anak ka. Merasey is ked-enaka nu te menge vatà, ne minsan pa zutun egkeeriǥan ke zed te esawa nu ne iyan sikandin ebayàbayà kenikew.”

2 Samuel 24:23

Mahal he Hadì, ibeǥey ku heini langun kenikew. Deyzey ke dewata te Nengazen he Megbevayè nu is pemuhat nu.”

2 Hadì 8:28

Mibpezumahà si Ahazia wey si Joram he anak ni Ahab te kebpekidtebek ki Hadì Hazael he hadì te Aram. Mibpetebekè dan diyà te Ramot Gilead, ne nepelian si Joram.

Job 11:14

ne kenè ke en ebaal te salà wey kenè nu edtuǥutan is pemilya nu te kebaal te salà,

Job 11:15

kenà duwazuwa he kenè ke en egkepeel-elezan; ebmelig-en ka wey wazè nu igkahandek.

Job 29:4

Dutun te timpu he meupiya pa is kebpekesavuk ku, iyan is Megbevayà utew ku emiǥu, ne edtuvazan din is pemilya ku.

Job 42:8

Umbe, ǥuntaan kuwa kew te pitu he tudu he vaka wey pitu he meemahan he kerehidu ne hendiyè kew te ki Job, ne ipemuhat niw heini he pemuhat he edtutungen para te keugelingen niw. Id-ampù kew ni Job ne edtevaken ku is ampù din ne kenè ku sikiyu edsilutan te silut he ereg te kedtinurebung niw. Kenè kew iring te suluǥuen ku he si Job su wazè kew mulà megkaǥi te tutuu mehitenged kedì.”

Erubasa 18:5

Kenà meupiya is kedapig te selaan wey is kenà kebeǥey te kevenar ziyà te ebpekevenar.

Erubasa 21:27

Kenà igkesuat te Nengazen is ibpemuhat te menge lalung, lavew en ke mezaat is tuyù dan te ked-ul-ulaha zan dutun.

Jeremias 3:12

Ne ǥuntaan, genat ka, ne keǥiya nu heini he lalag diyà te Israel: Iyan a is Nengazen, migkaǥi a te: Likù ka kayi te kedì, sikew is kenà metinumanen he Israel, su hihizuwen a. Kenè ku en sikew egkepeukan.

Jeremias 6:20

Kenè ku ebeliyen is edtutungen dan he veyewà he ebpuun pa te Sheba, wey is menge pehemut he ebpuun pa ziyà te meziyù he lugar. Kenè ku egkezawat is menge pemuhat dan he edtutungen. Is menge pemuhat dan kenà ebpekelipey kedì.

Micas 7:18

Wazè en duma he ed-ezapen he iring kenikew. Mibpesaylu nu is menge salà te nesamà he menge etew nu he menge ǥaked nu. Wazà mebpedayun taman te taman is kegkepauk nu su ingkelipey nu is kebmahala nu kenami.

Malakias 1:10

Migkaǥi is Nengazen he Mekeǥeǥehem, “Deyzey pezem ke zuen sevaha keniyu te menge memumuhat he edlekeb te menge pultahan te valey ku, su wey kew kenè ne meketetavun diyà te pemuhatà he para kediey te hapuy he wazè din pulus. Kenè ku edewaten is menge ibpemuhat niw, su wazè ku sikiyu ikelipey.

Malakias 1:13

Ke sikiyu te neperahan kew he ebaal te ebpeveelan ku keniyu; iyan heini migkaǥi te Nengazen he Mekeǥeǥehem. Ne mid-uwit kew te nesazir, piang, etawa zuen din daru he menge uyaǥen he ibpemuhat niw kayi te kedì, ne kenè ku heeyan edewaten puun diyà te keniyu. Iyan heini migkaǥi te Nengazen.

Malakias 1:8

Umbe, iyan impemuhat niw is menge uyaǥen he lakap, piang, etawa deruwanen. Kenà heeyan hustu! Gezami niw kun be beǥayi is gubirnedur niw te iring keniyan he kelasi te menge uyaǥen. Siguradu he kenà sikandin egkelipey keniyu wey kenè kew zin ebpaahaan te keupiya zin.” Iyan heini migkaǥi te Nengazen he Mekeǥeǥehem.

Numero 32:23

“Iyan, emun kenè niw heini edtumanen, ne ebpekesalè kew ziyà te Nengazen, ne siguradu he ebeyazan niw is salè niw.