Genesis 4:23 - Manobo Western Bukidnon OT

²³ Ne zutun he andew migkaǥi si Lamec diyà te menge esawa zin te, “He Ada wey Zila, pemineg kew te egkeǥiyen ku. Midhimetayan ku is kengkenakan he midrasey wey mibpalì kedì.

Genesis 4:23 Խաչաձեւ Հղումներ

Genesis 4:22

Si Zila mid-anak daan te maama ne iyan ngazan din si Tubal Cain he iyan dengan utew metau he pandey te ǥalang wey putew. Ne is etevey ni Tubal Cain ne iyan si Naama.

Salmo 94:1

Nengazen he Megbevayà, sikew is ebpenimales; ipeehè nu en is pauk nu.

Exodus 20:13

“Kenè kew mebunù.

Leviticus 19:18

Kenè kew penimales etawa dumut te zuma niw he etew, kekenà, mahala niw sikandin iring te kebmahala niw te keugelingen niw. Iyan a kes Nengazen.

Numero 23:18

Migkaǥi si Balaam te, “Hendini ka Balak he anak ni Zipor, ne pemineǥa a kenikew.

Deuteronomio 32:35

Ke sikandin te, “Iyan e en ebales wey edsilut kandan, su egkeuma zed gihapun is netendek he timpu he ebpekezulas sikandan. Hapit en egkeuma is kedezeeti kandan ne kenè en daan heini egkeuǥet.”

Zatù 9:7

Ne hein nezineg haazà ni Jotam, midtekezeg sikandin diyà te puntur te Buntud he Gerizim ne imbensag din diyà te kandan is menge lalag he edhenduen te, “Menge tig-Shekem, pemineg kew kedì emun egkesuat kew he ebpemineg keniyu is Megbevayà.