Genesis 39:9 - Manobo Western Bukidnon OT

⁹ Henduen be te nekedrepeng key kayi te valey, su insarig din is langun kediey kayi ǥawas kenikew su esawa ke zin man. Kenà egkehimu he edlimbungan ku is egalen ku wey ebaal a te salà diyà te Megbevayà.”

Genesis 39:9 Խաչաձեւ Հղումներ

Genesis 13:13

Ne is menge meǥinged dutun te Sodom, utew menge mekesesalà. Utew mezaat is menge salè dan he supak te Nengazen.

Genesis 20:3

Sevaha zutun he mezukilem, mibpeteǥeinep is Nengazen ki Abimelec he egkaǥi te, “Ebpengelinteuwan ku he mebpatey ka, su haazà is bahi he migkuwa nu, duen din en esawa.”

Genesis 20:6

Midtavak is Nengazen te, “Uya, netuenan ku he wazà mezaat he tuyù nu kandin, umbe mibpengelinteuwan ku he kenè ka mekeuvey kandin, su wey ka kenà mekesalà kedì.

Genesis 20:9

Ne zutun mid-umew ni Abimelec si Abraham ne mid-insaan din te, “Hengkey ves heini is mid-ulaula nu kenami? Hengkey is salè ku kenikew he iyan inhimuwa nu he mekesalà a wey is tivuuk he ginhedian ku? Kenà hustu heini is mid-ulaula nu.”

Genesis 24:2

Sevaha zutun he andew, migkeǥiyan ni Abraham is egalen te menge suluǥuen din he iyan sineriǥan te langun he menge azen din te, “Isavuk nu is belad nu kayi te laang ku. Tuus heini te penaad nu he edtistiǥusan te Nengazen, he iyan dà Megbevayà te langit wey tanà, ne kenè ka mebpilì te ed-esawaan te anak ku he si Isaac te vahi he tig-Canaan he emurè tew kayi te mid-ubpaan tew ǥuntaan.

Genesis 39:10

Ne minsan pa te andew-andew is kedhinggata zuen te vahi ki Jose he ebpehulid, wazà si Jose mebpemineg.

Genesis 41:40

Edhimuwen ku sikew he iyan ebayàbayà te turuǥan ku ne kinahanglan he ebpevayàbayà kenikew is minsan hentei he sakup ku. Iyan e zà lavew kenikew su iyan a hadì.”

Genesis 42:18

Ne zutun te iketelu he andew migkeǥiyan sikandan ni Jose te, “Duen ebpeveelan ku keniyu wey kew melibri su siak, edtahud a te Megbevayà.

2 Samuel 11:27

Neiwas is kedlalew zin, ne impekuwa sikandin ni David ne mid-uwit din diyà te turuǥan din. Mid-esawa sikandin ni David, ne wazà meuǥet ne mid-anak sikandin te maama. Piru wazà mesuat is Nengazen te mibeelan ni David.

2 Samuel 12:13

Ne migkeǥiyan ni David si Natan te, “Nekesalà a te Nengazen.” Midtavak si Natan te, “Mibpesaylu ke en te Nengazen, ne kenè ke zed ebpatey kayi he salà.

Nehemias 5:15

Piru is menge gubirnedur he nehuna kediey nehimu he peveǥat te menge etew, su kada andew ebuyù dan te egkekaan dan wey egkeinum dan he vinu wey 40 he vuuk he pelata. Minsan is menge upisyal zan mibpehimulus diyà te menge etew. Piru wazè ku mulà haazà beeli, su zuen ku kedtahud te Megbevayà.

Nehemias 6:11

Piru midtavak a te, “Gubirnedur a; ne kenè ku egkehimu is ked-eles diyà te valey te Nengazen su wey a kenà mebpatey. Kenà a ed-eles!”

Job 31:23

Kenè ku egkehimu heeyan he menge vaal su igkahandek ku is silut wey ǥehem te Megbevayà.

Salmo 51:4

Diyè e zà te kenikew mekesalà. Mibeelan ku is menge vaal he mid-isip nu he mezaat. Umbe hustu is menge lalag nu he ebpekesuǥat kedì. Utew hustu is kedhukumi nu kediey.

Exodus 20:14

“Kenè kew mebpengumpadi.

Erubasa 6:29

Ne iring din ded daan is maama he egkevut te vahi he zuen din en esawa su kenà ebpeseyluwen, kekenà, edsilutan sikandin.

Erubasa 6:32

Is etew he edhilavet te zuen din esawa ne kenà metau he ed-isip te hustu. Iyan dà sikandin ed-uney edezaat te lawa zin.

Megwewali 7:26

Nesusi ku he is meungangen he vahi ne mepait pa te kemetayen. Is arig din ne iring te litag, wey is menge velad din he igkepkep din kenikew ne iring te kedina. Ebpekelikey kandin is ebpenunuat te Megbevayà, iyan, egkelitag din mulà is mekesesalà.

Jeremias 50:7

Edsurungen sikandan te ebpekaahà kandan. Egkaǥi is menge kuntada zan te, ‘Nekesalè dan diyà te Nengazen he iyan tutuu he eputè dan wey egkeperateng te menge kepuun dan, umbe wazè tew televaken emun edsurungen tew sikandan.’

Leviticus 20:10

Emun ebpekidhilavet is maama te esawa te zuma, ne sikandin wey kes bahi kinahanglan he edhimetayan.

Leviticus 6:2

mehitenged te etew he nekerapas te egkesuatan te Nengazen pinaaǥi te kedlimbung te iring din he etew mehitenged te vutang he mibpetipiǥan kandin etawa intaǥak diyà te kandin, etawa kedtakew kayi he vutang, etawa kebpenapì,

Numero 32:23

“Iyan, emun kenè niw heini edtumanen, ne ebpekesalè kew ziyà te Nengazen, ne siguradu he ebeyazan niw is salè niw.