Genesis 3:20 - Manobo Western Bukidnon OT

²⁰ Sikan is maama, migngezanan din is esawa zin he “Eva” su egkehimu sikandin he iney te tivuuk he menusiyà.

Genesis 3:20 Խաչաձեւ Հղումներ

Genesis 16:11

Ne impelaus din is egkeǥiyen din kandin te, “Meǥingey ka, ne maama is id-anak nu. Ishmael is igngazan nu kandin, su nezineg te Nengazen is menge pengemuyù nu kandin tenged te merasey is egkeulaula nu.

Genesis 2:20

Ne migngezanan dutun te etew is langun he menge ayam he langgam dutun, wey is menge tagbis he ziyà ebpemenlayang te hewhewanan wey is langun he menge leew he langgam. Ne minsan pa zutun wazè pa hustu he zuma zutun te etew he ebpeketavang kandin.

Genesis 2:23

Ne zutun migkaǥi kes maama te, “Duen ku en human duma! Is menge tulan din, ne zini ebpuun te tulan ku wey is sapù din daan, ne zini ebpuun te sapù ku. Egngezanan ku sikandin he ‘vahi’ su zini sikandin ebpuun te kedì te maama,” ke sikandin.

Genesis 3:21

Ne zutun mibaal is Nengazen he Megbevayà te visti he lundis te menge langgam ne insun-ud din haazà dutun te ki Adan wey te esawa zin.

Genesis 35:18

Ne hein edluwèluwe en te ǥehinawa si Raquel, migngezanan din is anak din ki Ben Oni. Piru migngezanan mulà ni Jacob haazà is batà ki Benjamin.

Genesis 5:29

Ne migngezanan din ki Noe su ke sikandin te, “Pinaaǥi kayi te vatà malù ebmahagkap is meveǥat he terebahu tew te kebasuk he imbeǥey kenitew tenged te midrewakan dengan te Nengazen is tanà.”

Exodus 2:10

Ne hein nelutas en haazà is batà, ne inhated din en diyà te anak te hadì te Ehipto ne haazà mid-isip he anak duen te anak te hadì. Migngezanan din te Moises su geina te ziyè din mekuwa te wahig.

1 Samuel 1:20

Ne zutun mibmeǥingey sikandin, ne neuma is penahun ne mid-anak sikandin te maama. Migngezanan te Samuel, su ke sikandin te, “Geina te mibuyù ku sikandin diyà te Nengazen.”