Genesis 3:13 - Manobo Western Bukidnon OT

¹³ Ne mid-insaan te Nengazen he Megbevayà kes vahi, ke sikandin te, “Hengkey heini is mid-ulaula nu?” Ne midtavak dutun is bahi te, “Mid-ekalan a te uled, umbe migkaan a.”

Genesis 3:13 Խաչաձեւ Հղումներ

Genesis 12:18

Ne netuenan duen te hadì te Ehipto, is hinungdan dutun te neulaula kandan, mid-umew zin si Abram ne ke sikandin te, “Utew mezaat is mid-ulaula nu kedì! Maan is wazè nu keǥiya he esawa nu si Sarai?

Genesis 44:15

Migkeǥiyan ni Jose sikandan te, “Hengkey heini is mid-ulaula niw? Wazè niw ves metueni he metau a he edtagnà?”

2 Samuel 3:24

midhendiyà si Joab te hadì he egkaǥi te, “Hengkey ves is baal nu? Midhengkayi en si Abner, maan is impeǥenat nu pa? Ne, guntaan wazè en sikandin!

1 Hadì 13:18

Migkaǥi haazà is meǥurang he ebpeneuven te, “Ebpeneuven e man daan iring kenikew. Ne midsuǥù te Nengazen is sevaha he velinsuǥuen din kayi te kediey su wey ku sikew hinggata su para mekekaan ka wey mekeinum.” (Piru midtarùtarù haazà is meǥurang he ebpeneuven.)

Leviticus 12:5

Emun bahi is anak din, ed-isipen sikandin he meremerik seled te 14 he andew, ne emun edlengesahan daan sikandin tenged te ebpedayun he kegawas te lengesa zin, medtaǥad pa sikandin te 66 he andew ne human sikandin ed-isipa he lumpiyu.

Jonas 1:10

Ne midtudtulan sikandan ni Jonas mehitenged te kenè din kebpezumdumahi te suǥù te Nengazen kandin. Ne tenged dutun utew zan nengahandek, ne ke sikandan te, “Kenà meupiya haazà is mid-ulaula nu.”

1 Samuel 13:11

piru mid-insà si Samuel te, “Hengkey is mibeelan nu?” Midtavak si Saul te, “Neehè ku he egkenaney en egketerini is kahabet te menge etew su ebpemelaǥuy, wey wazè ka mekeuma zuen te midtendek nu he uras, ne is menge Filistihanen he nekaandam dan en te kebpekidtebek diyà te Micmash su midtiǥum dan en.

1 Samuel 15:15

Midtavak si Saul te, “Menge vaka wey kerehidu he pinekemeupiya he mid-uwit te menge sundaru he ebpuun te Amalikanhen. Wazè dan himetayi su ibpemuhat dan diyà te Nengazen he iyan Megbevayè nu, piru is duma midpenhimetayan dey emina.”