Genesis 26:34 - Manobo Western Bukidnon OT

³⁴ Ne hein 40 en is penuiǥen ni Esau, mid-esawa zin si Judith he anak ni Beeri he Hitihanen, wey si Besemat he anak ni Elon he Hitihanen daan.

Genesis 26:34 Խաչաձեւ Հղումներ

Genesis 27:46

Ne migkeǥiyan dutun ni Rebeka si Isaac te, “Utew ku en igkerasey te ed-isip-isip is tenged kayi te menge esawa ni Esau he menge Hitihanen. Emun iyan ed-esewaan ni Jacob is tig-kayi zed he vahi he Hitihanen, deyzey pa ke ebpatey e en nasì.”

Genesis 28:8

Ne human dutun mesavut ni Esau he kenè bes iyan egkesuatan te amey zin he si Isaac sikan is menge vahi he tig-Canaan.

Genesis 28:9

Ne zutun midhendiyà sikandin te anggam din he si Ishmael he anak ni Abraham diyà te ki Hagar. Gawas dutun te zezuwa he esawa zin, mid-esawa zin daan si Mahalat he anak ni Ishmael wey etevey ni Nebayot.

Genesis 36:13

Is menge anak ni Reuel he menge maama ne iyan ensi Nahat, Zera, Shama, wey Miza. Iyan sikandan menge apù ni Esau ziyà te esawa zin he si Basemat.

Genesis 36:2

Nengesawa si Esau te menge vahi he tig-Canaan. Iyan sikandan si Ada he anak ni Elon te Hitihanen, si Oholibama he anak ni Ana wey apù ni Zibeon te Hivihanen,

Genesis 36:5

Ne is menge anak din diyà te ki Oholibama ne iyan si Jeush, Jalam, wey Kora. Iyan sikandan menge anak ni Esau he neetew ziyà te Canaan.

Exodus 34:16

Ne egkehimu zaan he ebpemengesawa ziyà te kandan is menge anak niw he maama, ne tenged dutun egkehimu he ed-azap dan te menge ed-ezapen dutun te menge etew.

1 Samuel 26:6

Migkeǥiyan ni David si Abimelec he Hitihanen wey si Abishai he anak ni Zeruya wey suled ni Joab te, “Hentei keniyu is eduma kedì te edhendutun te kampu ni Saul?” Midtavak si Abishai te, “Iyan a eduma.”