Genesis 24:1 - Manobo Western Bukidnon OT

¹ Utew en meǥurang dutun si Abraham, ne midtuvazan sikandin te Nengazen diyà te langun he menge vaal zin.

Genesis 24:1 Խաչաձեւ Հղումներ

Genesis 12:2

“Edhimuwen ku is menge kevuwazan nu he utew zekelà he nasyun. Ne edtuvazan ku sikew ne edhimuwen ku he utew mevantug is ngazan nu. Ne pinaaǥi zaan kenikew, edtuvazan ku is mezakel he menge etew.

Genesis 13:2

Utew en sepian si Abram su utew mezakel is menge ayam din wey mezakel is menge azen din he pelata wey vulawan.

Genesis 18:11

(Si Abraham wey si Sara, utew zan en meǥurang ne wazà bahi he ebpekaanak emun is penuiǥen din, iring te penuiǥen ni Sara.)

Genesis 21:5

Ne 100 en is penuiǥen ni Abraham dutun te ked-enaka te anak din he si Isaac.

Genesis 24:35

Midtuvazan sikandin te Nengazen, ne utew zekelà is ketiǥeyunan din guntaan. Mibeǥayan sikandin te Nengazen te menge kerehidu, menge kambing, menge vaka, menge kemilyu, menge asnu, menge pelata, menge vulawan, wey menge suluǥuen he maama wey vahi.

Genesis 25:20

Menge 40 en is penuiǥen ni Isaac dutun te kebpekeesawa zin ki Rebeka he anak ni Betuel he Aramihanen he tig-Padan Aram. Etevey si Rebeka ni Laban he Aramihanen daan.

Genesis 26:12

Ne zutun he lugar mid-ezek si Isaac ne nekeraǥun sikandin te ke 100 metakep te haazè dà he tuig, tenged midtuvazan sikandin te Nengazen.

Genesis 49:25

Iyan sikandin kes Mekeǥeǥehem he Megbevayà he ed-ezapen te menge kepuun nu he edtavang wey ebpenuvadtuvad kenikew. Ebeǥayan ke zin te uzan wey wahig diyà te serebseb. Ebeǥayan ke zin daan te mezakel he menge anak wey menge uyaǥen.

1 Hadì 1:1

Utew en meǥurang si Hadì David, ne minsan ebmelungan pa sikandin te mekepal he menge malung egkeǥenew ǥihapun.

Erubasa 10:22

Ebpekepesepian te etew is kedtuvazi kandin te Nengazen, ne kenà heini egkekuwa pinaaǥi te subra he kebpenigudu.