Genesis 2:17 - Manobo Western Bukidnon OT

¹⁷ iyan, sikan is beǥas te kayu he ebpekeveǥey te kegketau te meupiya wey mezaat, utew kinahanglan he kenè nu heeyan keena. Su zutun dà te kegkaan nu keniyan te veǥas din kenà duwazuwa he ebpatey ka.”

Genesis 2:17 Խաչաձեւ Հղումներ

Genesis 2:9

Ne zuen menge kayu he impetuvù dutun te Nengazen he Megbevayà. Utew meupiya he ed-ahaan haazà is menge kayu ne meupiya zaan he egkeenen is menge veǥas dan. Ne zutun te teliwazà duen te pemuleey impetuvù din daan is kayu he ebpekeveǥey te untung wey is kayu he ebpekeveǥey te kegketau te meupiya wey mezaat.

Genesis 20:7

Kinahanglan he ilikù nu sikandin diyà te ki Abraham, su ebpeneuven sikandin, ne id-ampù ke zin su wey ka kenà mebpatey. Piru emun kenè nu id-ulì, ebpetizeenan ku sikew he kenè en ebperis ne ebpatey ke en iyan ragkes is langun he menge sakup nu.”

Genesis 3:11

Ne migkaǥi is Nengazen he Megbevayà te, “Hentei is migkaǥi kenikew he lelevas ka? Migkaan ke ve zuen te veǥas te kayu he indawey ku keniyu?”

Genesis 3:17

Ne zutun migkeǥiyan te Megbevayà is maama te, “Tenged te mibpemineg ka te esawa nu ne migkaan ka zuen te veǥas te kayu he indawey ku he ke siak te, ‘Kenè niw heeyan keena,’ ne edrewakan ku is tanà tenged keniyu. Ne taman te kenè ke pa ebpatey wey ke zà ebpekekaan te veǥas te edtuvù dutun te tanà ke egkerasey ka he edhaǥù.

Genesis 3:19

Ne taman te kenè ke pa idleveng dini te tanà, wey ke zà ebpekekaan ke edrimusengan ka. Is eliyavuk te tanà iyan puunà te lawa nu ne ziyà daan heini keuzemà te eliyavuk ebpekeulì.”

1 Hadì 2:37

Dutun te timpu te ked-awè nu ne edlayun ka te zal-ug he Kidron, siguradu he ebpatey ka, ne iyan ka egkevasul emun egkehitavù heini.”

1 Hadì 2:42

impetawag din si Shimei, ne migkeǥiyan din te, “Kenè be impepenangdù ku sikew pinaaǥi te ngazan te Nengazen wey mibpetizeenan ka te timpu te ked-awè nu kayi te Jerusalem su edhendiyè ka te zuma he lugar ne siguradu he ebpatey ka? Kenè be migkaǥi ka he meupiya is migkaǥi ku ne edtumanen nu heini?

Jeremias 26:8

Ne hein nekepasad si Jeremias te kegkaǥi kayi, midakep sikandin te menge memumuhat, menge ebpeneuven, wey zuma he menge etew, ne migkeǥiyan dan te, “Ereg ka he ebpatey!

Ezekiel 18:13

Ebpeutang sikandin te ibpetuvù. Egkeuyag-uyag be sikandin? Kenà! Ebpatey heini he etew tenged kayi te langun he utew mezaat he menge vaal he mibeelan din. Iyan dà sikandin egkevasul tenged te kemetayen din.

Ezekiel 18:32

Su kenà a egkelipey emun duen ebpatey. Umbe engkezi niw en is mezaat he ulaula su wey mebpedayun is kegkeuyag-uyag niw. Iyan a, is Nengazen he MEGBEVAYÀ, is migkaǥi kayi.”

Ezekiel 18:4

Pemineǥa niw heini! Is langun he untung ne kedì–is untung te menge ǥinikanan wey is untung te menge vatà. Iyan dà ebpatey tenged te rimeǥas te salà sikan is etew he nekesalà.

Ezekiel 33:14

Ne emun egkeǥiyan ku is lalung he etew he siguradu he ebpatey sikandin, piru mibpezumdumahan din is sambag kandin ne mid-engkezan din is mezaat he menge vaal zin ne mibaal te hustu wey metazeng–

Ezekiel 33:8

Emun egkeǥiyan ku is lalung he etew he siguradu he ebpatey sikandin tenged te salè din ne wazè nu sikandin keǥiyi he engkezi zin is mezaat he menge vaal zin, iyan ka edsukutan ku te kemetayen din. Iyan, emun migkeǥiyan nu haazà is lalung he etew he engkezi zin is mezaat he menge vaal zin, ne wazè din seǥipaa is migkaǥi nu, ebpatey sikandin tenged te salè din, piru wazè nu televaken dutun te kemetayen din.

Numero 26:65

Su zutun dengan, migkaǥi is Nengazen he siguradu he ebpematey sikandan diyà te sibsivayan ne wazà egkelibri kandan gawas ki Caleb he anak ni Jefune wey ki Josue he anak ni Nun.

Deuteronomio 27:26

“Rinewakan is etew he kenà edsunud etawa kenà edtuman te langun kayi he menge suǥù.” Ne edtavak is langun te, “Amen!”

Deuteronomio 30:15

“Pemineg kew! Guntaan he andew ibpepilì ku sikiyu kayi: untung etawa kemetayen, keuswagan etawa kezeetan.

Deuteronomio 30:19

“Guntaan he andew ebpengum-umawen ku is langit wey tanà su ibpetistiǥus ku ke hengkey is ebpilien niw kayi: untung etawa kemetayen, tuvad etawa rawak. Pilia niw is untung su para meuyag-uyag kew wey is menge anak niw.

Zatù 3:2

Mibeelan heini te Nengazen su wey mepenurù te kebpekidtebek is menge kevuwazan te menge Israilihanen, he wazà mekesaǥad kayi.

1 Samuel 14:39

Idsaad ku te uuyag he Nengazen he iyan midluwas te menge Israilihanen, he is ebpekesalà ne edhimetayan, minsan si Jonatan he anak ku.” Ne zutun wazà minsan hentei he midtavak.

1 Samuel 14:44

Midtavak si Saul te, “Uya! Su emun kenè ku sikew ebpehimetayan, deyzey pezem ke iyan ad edsilutan te Megbevayà te utew mereǥen.”

1 Samuel 20:31

Hein uuyag pa si David, kenè ka egkehimu he hadì. Guntaan, kuwaa nu sikandin ne zumaha nu kayi te kedì, su ereg sikandin he edhimetayan.”

1 Samuel 22:16

Piru migkaǥi is hadì te, “Edhimetayan ku sikew, Ahimelec, wey is tivuuk he pemilya nu.”