Genesis 19:2 - Manobo Western Bukidnon OT

² “Edhengyuan ku sikiyu, menge zatù, tuluy kew pa ziyà te valey ku te suluǥuen niw. Penlùlui niw is menge paa niw wey hulavung kew pa. Keeselem kew en laus te hipenawan niw.” Ne midtavak sikandan te, “Maambe en su zini key zà edhulavung te pelasa.”

Genesis 19:2 Խաչաձեւ Հղումներ

Genesis 18:4

Ituǥut niw he ed-uwit key te wahig wey kew mekepenlùlù te menge paa niw. Himeley kew zèpa kayi te sihung te kayu.

Genesis 19:1

Ne haazà is dezuwa he menge velinsuǥuen te Nengazen, hein nekeuma zan diyà te inged he Sodom ne mahapun en, diyà si Lot ebpimpinuu te uvey te pultahan dutun te inged. Ne hein neehè din sikandan, midhitindeg sikandin ne midsinuǥung din ne midlangkeb sikandin diyà te tanà te kedtahud, he egkaǥi te,

Genesis 19:3

Piru midteǥel sikandan ni Lot, umbe miduma zan diyà te valey zin. Ne mid-andam si Lot te menge inumen wey egkeenen dan, ne mibpevaal zaan sikandin te supas he wazè din tapey, ne midlavung sikandan.

Genesis 24:31

Migkeǥiyan sikandin ni Laban te, “Iyan ke ves is midtuvazan te Nengazen. Maan is kayi ke zà edhithitindeg? Laus ka ziyà te valey zey, su mid-endaman dey en sikew te edhizeǥaan nu wey lugar para te menge kemilyu nu.”

Genesis 43:24

Impeseled din dutun sikandan te valey ni Jose ne mibeǥayan din sikandan te wahig he ibpenlùlù te menge paa zan. Ne migkumpayan din daan is menge asnu zan.

2 Samuel 11:8

Ne migkeǥiyan ni David sikandin te, “Ulì ke en diyà te valey nu, wey medhimeley.” Ne mid-awà si Uria zutun te turuǥan ne mibpeuwit si David te gasa ziyà te valey ni Uria.

Job 31:32

Wazè ku ikesuat ke minsan hendei zà duen mekehizeǥà is menge langyew su ebirtu is baley ku para kandan.

Erubasa 25:17

Kenè ka layun penumbaley ziyà te siringan nu, su kela ke meperahi sikandin ne egkeepesan ke zin.

Solomon 5:3

Piru migkaǥi a te, “Neluwas ku en is kumbalè ku, ne id-uman ku en be maan heini idseluub? Neledlezan kud is menge paa ku, ne ed-umanan ku en be maan heini eburingi?”