Genesis 17:6 - Manobo Western Bukidnon OT

⁶ Edhimuwen ku he mepurung mevuwad is menge kevuwazan nu, ne egkehimu sikandan he zekelà he nasyun, ne is duma kandan ne egkehimu he menge hadì.

Genesis 17:6 Խաչաձեւ Հղումներ

Genesis 13:16

Ne is menge kevuwazan nu, edhimuwen ku sikandan he iring te eliyavuk. Emun kenà egkevilang is eliyavuk, kenà egkevilang daan is menge kevuwazan nu.

Genesis 17:16

Edtuvazan ku sikandin ne ebmeǥingey ne pinaaǥi kandin ibeǥey ku kenikew is anak he maama. Egkehimu sikandin he kepuun te mezakel he menge nasyun, ne is duma he menge kevuwazan din ne egkehimu he hadì.”

Genesis 17:20

Ne si Ishmael zaan, ebpemineǥen ku is hangyù nu mehitenged kandin. Edtuvazan ku zaan sikandin ne edhimuwen ku he mezakel is menge kevuwazan din. Egkehimu sikandin he amey te 12 he menge pengulu, ne is menge kevuwazan din egkehimu he utew egkevantug he menge etew.

Genesis 17:4

“Iyan kebpekid-uyun ku kenikew is: Egkehimu ka he amey te langun he menge nasyun.

Genesis 26:22

Mid-awà dutun ensi Isaac ne mid-uman mebangbang sikandan te selakew-en maan he kalut. Wazè dan human heini lewenaayi, umbe migngezanan ni Isaac haazà is kalut te Rehobot, he ke và dà egkeǥiya, “Melu-ag.” Su ke sikandin te, “Mibeǥayan kiw en human te Nengazen te melu-ag he ubpaan para med-iseg kiw pa mebmezakel kayi.”

Genesis 28:3

Berakat he tuvazi ka te Megbevayà he Mekeǥeǥehem, ne veǥayi ke zin te mezakel he kevuwazan, su wey ka mehimu he amey te mezakel he grupu te menge etew.

Genesis 35:11

Ne mid-uman megkaǥi is Megbevayà diyà kandin te, “Iyan a sikan is Mekeǥeǥehem he Megbevayà. Edhimuwen ku he mevuwad ka. Egkehimu ka he kepuun te sevaha he nasyun wey te mezakel he menge nasyun, ne egkehimu he hadì is duma he menge kevuwazan nu.

Genesis 41:52

Ne haazà is hazi he anak din, migngezanan din ki Efraim su ke sikandin te, “Midhimu te Megbevayà he mebmeuswaǥen a zini te tanà he mezakel is menge kemereǥenan ku.”

Genesis 47:27

Is menge kevuwazan ni Israel, ne ziyè dan med-ubpà te tanà he Goshen he sakup te Ehipto. Nekaangken sikandan te menge tanà dutun ne mibmezakel zan utew.

Genesis 48:3

Ne migkaǥi si Jacob diyà te ki Jose te, “Mibpaahà dengan kediey is Mekeǥeǥehem he Megbevayà diyà te inged he Lus he ziyà te Canaan ne zutun midtuvazan e zin.

Genesis 48:4

Ke sikandin te, ‘Ebeǥayan ku sikew te mezakel he menge kevuwazan su wey ka mehimu he amey te mezakel he menge etew. Ne ibeǥey ku heini is tanà te Canaan diyà te menge kevuwazan nu, ne egkehimu heini he kandan te taman te taman.’ ”

Ezra 4:20

Netuenan ku zaan pinaaǥi te menge surat he midumala is Jerusalem te mekeǥeǥehem he menge hadì he midhadì te tivuuk he prubinsya ziyan layun te Eufrates ne mibayad heini he prubinsya ziyà te kandan te vuhis wey zuma pa he menge veleyazan.

Leviticus 26:9

Ed-eturen ku sikiyu ne ebeǥayan ku te mahabet he menge kevuwazan su wey ku metuman is kebpekid-uyun ku keniyu.