Genesis 16:8 - Manobo Western Bukidnon OT

⁸ Ne mid-insaan dutun te velinsuǥuen sikandin te, “Hagar he suluǥuen ni Sarai, hendei ka ebpuun wey hendei ka ebpevayà?” Ne midtavak si Hagar te, “Ebpeleǥuyan ku is egalen ku he si Sarai.”

Genesis 16:8 Խաչաձեւ Հղումներ

Genesis 16:1

Ne si Sarai, sikan is esawa ni Abram, kenà ed-anak. Duen uripen din he Ehiptohanen he egngezanan ki Hagar.

Genesis 16:4

Ne midhulizan ni Abram si Hagar ne mibmeǥingey si Hagar. Ne si Hagar, hein nesavut din he meǥingey sikandin, mibpelevawan din is egalen din he si Sarai.

Genesis 16:9

Ne zutun migkaǥi ziyà te kandin is belinsuǥuen te Nengazen, ke sikandin te, “Ulì ka ziyà te egalen nu ne pevayàbayè ka kandin.”

Genesis 21:17

Piru nezineg te Megbevayà is ked-erang te vatà. Umbe migkaǥi is belinsuǥuen te Megbevayà diyà te langit te, “Hagar, hengkey is idsineǥew nu? Kenè ka mahandek! Nezineg te Megbevayà is ked-erang keniyan te anak nu.

Genesis 3:9

Ne mid-umew te Nengazen he Megbevayà sikan is maama he ke sikandin te, “Hendei ka?”

Genesis 4:10

Ne migkeǥiyan te Megbevayà si Cain te, “Utew mezaat is mid-ulaula nu! Is lengesa te hazi nu ne henduen be te ebpehizuhizu he edsilutan ku is etew he midhimatey kandin.

1 Hadì 19:13

Ne hein nezineg haazà ni Elias, midtembunan din is buked din te samput ne migawas sikandin ne midhitindeg diyà te vèbà dutun te surung. Ne zutun duen laǥeng he migkaǥi te, “Elias, hengkey is baal nu kayi?”

1 Hadì 19:9

Midseled sikandin diyà te sevaha he surung ne zutun sikandin medlipezeng hein mezukilem en. Dutun migkaǥi is Nengazen diyà te ki Elias te, “Hengkey is baal nu kayi?”

2 Hadì 5:25

Ne zutun mibpaahà sikandin ki Elisha. Mid-insaan sikandin ni Elisha te, “Hendei ka ebpuun, Gehazi?” Midtavak si Gehazi te, “Wazà a medhipanew.”

Megwewali 10:4

Emun egkepeukan ka te pengulu kenè nu vey-ani is ketengdanan nu, su emun egkevehew en is pauk din kela ke peseyluwa ke zin minsan dekelà is salà he nehimu nu.

Zatù 19:17

Ne hein naahà sikandan dutun te meǥurang, mid-uvayan din wey mid-insaan din, “Hendei kew ebpuun? Wey hendei kew ebpevayà?”

1 Samuel 26:19

Mahal he Hadì, pemineǥa nu is egkeǥiyen ku. Emun iyan is Nengazen edsuǥù kenikew te kedhimatey kedì, deyzey pezem ke egkehizuwan e zin pinaaǥi te kedewata zin te pemuhat ku. Ne emun ketau zà te etew, ne deyzey pezem ke rewaki sikandan te Nengazen. Su impepelaǥuy e zan puun te tanà he gaked te Nengazen ne migkeǥiyan e zan te ibpesilbi ad te zuma he menge ed-ezapen.