Genesis 16:7 - Manobo Western Bukidnon OT

⁷ Ne zutun naahà si Hagar te velinsuǥuen te Nengazen diyà te uvey te serebseb he ziyà te sibsivayan. Iyan haazà sikan is serebseb he ziyà te zalan pehendiyà te inged he Shur.

Genesis 16:7 Խաչաձեւ Հղումներ

Genesis 20:1

Ne zutun midlaus medhipanew ensi Abraham ne midhendiyè dan te tanà he Negev. Ne ziyè dan med-ubpà te pid-elangan te inged he Kadesh wey Shur. Ne hein neuǥet midhalin si Abraham diyà te inged he Gerar.

Genesis 21:17

Piru nezineg te Megbevayà is ked-erang te vatà. Umbe migkaǥi is belinsuǥuen te Megbevayà diyà te langit te, “Hagar, hengkey is idsineǥew nu? Kenè ka mahandek! Nezineg te Megbevayà is ked-erang keniyan te anak nu.

Genesis 21:18

Hitindeg ka ne enawa nu heeyan is batà, su edhimuwen ku he utew zekelà he nasyun is menge kevuwazan din.”

Genesis 21:19

Ne zutun impeturedu te Megbevayà si Hagar te kalut, ne midhendiyà sikandin ne midsekezu ne impeinum din is anak din.

Genesis 22:11

Mid-umew si Abraham te velinsuǥuen te Nengazen he ebpuun te langit te, “Abraham! Abraham!” Ne midtavak sikandin te, “Hengkey.”

Genesis 22:15

Ne zutun mid-uman med-umew is belinsuǥuen te Nengazen he ziyà te langit ki Abraham,

Genesis 24:7

Is Nengazen, he iyan dà Megbevayà diyà te langit, migkaǥi kedì, he ewai ku is menge kezuzumahi te amey ku wey is inged ku he zutun a meetew. Ne nenangdù sikandin he ibeǥey zin heini is tanà he Canaan diyà te menge kevuwazan ku. Umbe hipanew ke en su ebpezumahan ke zin te menge velinsuǥuen din he ibpehuna kenikew ne iyan edtavang kenikew wey ka mekaahà diyà te egkeesawa te anak ku.

Genesis 25:18

Diyà med-ubpà is menge kevuwazan din te menge inged he ebpuun te Havila pehendiyà te Shur, he zapit te edsilaan te Ehipto pehendiyà te Asiria. Ne migkuntada zan is langun he menge kezuzumahi zan he kevuwazan ni Ishmael.

Genesis 31:11

Dutun te teǥeinep ku, migkeǥiyan a te velinsuǥuen te Megbevayà. Ke sikandin te, ‘Jacob!’ Midtavak a te, ‘Heini e zed!’

Exodus 15:22

Ne puun dutun te Zaǥat he Meriǥà, miduma ni Moises is menge Israilihanen pehendiyà te sibsivayan he Shur. Ne seled te tetelu he andew is kedhipanew zan dutun te sibsivayan ne wazà wahig he neturedu zan.

Exodus 3:2

Ne zutun mibpaahà kandin is belinsuǥuen te Nengazen pinaaǥi te egkeregreg he hapuy ziyà te teliwazà te dezeisey he kayu. Naahà ni Moises haazà ne minsan pa te egkeregreg haazà, iyan, kenà egketutung.

Erubasa 15:3

Egkaahà te Nengazen is minsan hendei. Egkeehè din is ed-ul-ulahan te minsan hentei, metazeng etawa lalung.

1 Samuel 15:7

Ne midsurung eni Saul is menge Amalikanhen puun te Havila taman te Shur, he zapit te edsilaan te Ehipto.