Genesis 15:8 - Manobo Western Bukidnon OT

⁸ Ne zutun migkaǥi si Abram te, “He Nengazen he Megbevayà, hengkey is tuus wey ku metueni he egkaangken ku heini?”

Genesis 15:8 Խաչաձեւ Հղումներ

Genesis 15:9

Ne midtavak dutun is Nengazen te, “Uwita nu zini is dumeraǥa he vaka, sevaha he vehiyan he kambing, wey sevaha he meemahan he kerehidu, tigtetelu he tuig is penuiǥen te uman sevaha kandan. Uwit ka zaan dini te sevaha he limuken wey sevaha he merepatik.”

Genesis 28:4

Berakat he iveǥey zin kenikew wey te kevuwazan nu is tuvad he imbeǥey zin diyà te apù nu he si Abraham, su wey mehimu heini he kenikew he tanà is neubpaan nu ǥuntaan te sevaha he lumelengyawà. Heini he tanà ne imbeǥey te Megbevayà diyà te ki Abraham.”

Genesis 50:24

Duen timpu he migkaǥi si Jose ziyà te menge suled din te, “Meǥaan en is kebpatey ku, piru kenà egkehimu he kenè kew en edtevangan te Megbevayà. Ne ibpaawè kew zin ded kayi he tanà, ne ibpeulì kew zin diyà te tanà he impesarig din te menge kepuun tew he si Abraham, si Isaac, wey si Jacob.”

2 Hadì 20:8

Hein wazè pa meulii si Hezekia, mid-insaan din si Isaias te, “Hengkey is tuus he tutuu he egkeulian a ne ebpekehendiyà a te valey te Nengazen te iketelu he andew puun guntaan?”

Salmo 86:17

Ipetuusi nu kayi te kediey is keupiya nu su wey mepeel-elezi is menge kuntada ku ke egkeehè dan haazà. Su iyan ka, Nengazen, edtavang wey ebeǥey kedì te kelipey.

Isaias 7:11

“Buyù ka te tuus kayi te kediey, te Nengazen he Megbevayè nu he ebpenistiǥus he edtumanen ku is impenaad ku. Ibeǥey ku minsan pa ke haazà is tuus diyà ebpuun te zizalem, he ziyà te iveyaan, etawa ziyà te zivavew, diyà te langit.”

Jeremias 34:18

Is menge upisyal ziyà te Juda wey Jerusalem, wey is menge upisyal ziyà te turuǥan, ragkes is menge memumuhat wey zuma pa he menge meǥinged, nekid-uyun kediey pinaaǥi te kebaas te nati he vaka he imped-atbang is kedsevuka zuen, ne mibayà sikandan diyà te pid-elangan kayi. Piru wazè dan tumana haazà is kebpekid-uyun dan kedì. Umbe ebeelan ku zaan diyà te kandan is mibeelan dan duen te nati he vaka.