Genesis 15:5 - Manobo Western Bukidnon OT

⁵ Ne zutun impeǥawas din si Abram ne ke sikandin te, “Lingehè ka ziyà te langit ne vilanga nu is menge vituen emun egkevilang nu.” Ne ke sikandin daan te, “Iring keniyan is menge kevuwazan nu keuzemà su kenà sikandan egkengevilang.”

Genesis 15:5 Խաչաձեւ Հղումներ

Genesis 12:2

“Edhimuwen ku is menge kevuwazan nu he utew zekelà he nasyun. Ne edtuvazan ku sikew ne edhimuwen ku he utew mevantug is ngazan nu. Ne pinaaǥi zaan kenikew, edtuvazan ku is mezakel he menge etew.

Genesis 13:16

Ne is menge kevuwazan nu, edhimuwen ku sikandan he iring te eliyavuk. Emun kenà egkevilang is eliyavuk, kenà egkevilang daan is menge kevuwazan nu.

Genesis 16:10

Ne migkaǥi zaan is belinsuǥuen te, “Edhimuwen ku he utew medmezakel keuzemà is menge kevuwazan nu, ne kenè dan egkengevilang.”

Genesis 17:2

Edtukuzen ku is kebpekid-uyun ku kenikew: ne edhimuwen ku he utew medmezakel is menge kevuwazan nu.”

Genesis 26:4

Edhimuwen ku he medmezakel is menge kevuwazan nu iring kezakel te menge vituen diyà te langit, ne ibeǥey ku heini kandan is langun he tanà. Ne pinaaǥi kandan, edtuvazan ku is langun he etew kayi te kelibutan.

Genesis 28:14

Is menge kevuwazan nu egkehimu he iring kezakel te eliyavuk te tanà. Pinaaǥi kenikew wey te menge kevuwazan nu, edtuvazan ku is langun he menge etew kayi te kelibutan.

Genesis 32:13

Ne ziyà medhulavung ensi Jacob. Ne hein meselem, mibpilì si Jacob te menge uyaǥen he igasa zin ki Esau:

1 Hadì 3:8

Ne ǥuntaan kayi a zuma te pinilì nu he menge etew he kenà egkevilang tenged te kahabet dan.

1 Cronica 27:23

Hein impemelista ni David is menge etew, ne wazè din iragkes is wazè pa mebpenuiǥen te 20 he tuig, su midsaad is Nengazen he ibpemezakel zin is menge Israilihanen he iring te menge vituen diyà te langit.

Nehemias 9:23

Impeiring nu te menge vituen diyà te langit is menge kevuwazan te menge Israilihanen su impemahabet nu. Ne mid-uwit nu sikandan diyà te tanà he impenaad nu ziyà te menge kepuun dan he edselezan dan wey ed-engkenen dan.

Job 35:5

Lingehè ka ziyà te langit ne purungi nu ahaa ke sengemenu ketikang is menge ǥapun.

Salmo 147:4

Kandin he ketau ke pira is kezakel te menge vituen ne migngezanan din is kada sevaha kandan.

Exodus 32:13

Tentunuzi nu is menge suluǥuen nu he si Abraham, si Isaac wey si Jacob; tentenuzi nu is meheǥet he penangdù nu ziyà te kandan he ibeǥey nu kandan is utew mahabet he kevuwazan su ebpekeiring te kahabet te menge vituen diyà te zivavew, ne id-amin nu ibeǥey zutun te menge kevuwazan dan is tanà he ingkepenaad nu he ibeǥey ziyà te kandan, ne egkepengevilin dan haazà te taman te taman.”

Jeremias 33:22

Ibpemahabet ku is menge kevuwazan ni David he suluǥuen ku wey ni Levi he iring kahabet te menge vituen diyà te langit wey pantad diyà te veyvey te zaǥat he kenà egkevilang.”

Deuteronomio 1:10

Su impemahabet kew te Nengazen he Megbevayè niw, ne ǥuntaan iring kew en kahabet te menge vituen diyà te langit.

Deuteronomio 10:22

Hein midhendiyà is menge kepuun niw te Ehipto, menge 70 dà sikandan, piru ǥuntaan impemezakel kew te Nengazen he Megbevayè niw he iring te menge vituen diyà te langit.

Josue 24:3

Iyan, migkuwa ku si Abraham puun dutun he lugar ne migiyahan ku sikandin pehendiyà te tanà te Canaan, ne impemahabet ku is menge kevuwazan din. Mibeǥayan ku sikandin te anak he si Isaac,