Genesis 12:8 - Manobo Western Bukidnon OT

⁸ Ne midlaus pa ensi Abram pehendiyà te vuvungan he ziyà te zapit te edsilaan te inged he Betel ne zutun din ipehitindeg is tulda zin. Diyà te zapit din te edsenlepan is inged he Betel wey ziyà te zapit te edsilaan is inged he Ai. Ne zutun mid-uman si Abram mebaal te pemuhatà ne mibpengumew-umew zin is Nengazen.

Genesis 12:8 Խաչաձեւ Հղումներ

Genesis 13:18

Ne zutun inhalin ni Abram is tulda zin, ne ziyà sikandin med-ubpà te uvey te menge kayu he ulayan ni Mamre he ziyà te Hebron, ne mibaal sikandin te pemuhatà para te Nengazen.

Genesis 13:3

Ne puun dutun te Negev midhalinhalin sikandin taman te nekeuma en maan diyà te uvey te Betel he iyan sikan is daan he nesevukan te tulda zin he ziyà te pid-elangan te Betel wey Ai.

Genesis 13:4

Ne iyan daan haazà inged he zuen pemuhatà he mibeelan din dutun. Ne mid-umanan din dutun pengum-umawa is Nengazen.

Genesis 21:33

Mibpemula si Abraham te sengepuun he kayu he tamarisko ziyà te Beersheba ne mid-azap din dutun is Nengazen, he iyan kes wazà pidtemanan he Megbevayà.

Genesis 22:9

Ne hein nekeuma zan en dutun te vuvungan he impaahà te Megbevayà ki Abraham, mibaal si Abraham te pemuhatà, ne insavuk din dutun is menge kayu. Mibakus din dutun si Isaac ne insavuk din daan sikandin dutun te zivavew te kayu he ziyà te pemuhatà.

Genesis 26:25

Umbe mibaal si Isaac dutun te pemuhatà ne mid-azap te Nengazen. Impehitindeg din dutun he lugar is tulda zin ne impevangbang din is menge suluǥuen din te kalut.

Genesis 28:19

Migngezanan haazà ni Jacob he lugar te Betel, he ke và dà egkeǥiya, “Baley te Megbevayà.” Piru is inged dutun dengan migngezanan te Luz.

Genesis 31:25

Mibpehitindeg si Jacob te tulda zin diyà te menge vuvungan te Gilead dutun te kegkeumahi kandin ni Laban. Ne zutun daan mebpehitindeg si Laban wey is menge zuma zin te menge tulda zan.

Genesis 33:20

Ne zutun mibaal si Jacob te pemuhatà he migngezanan din te El Elohe Israel, he ke và dà egkaǥiya, “Utew mekeǥeǥehem is Megbevayà he ed-ezapen ni Israel.”

Genesis 35:3

Ne edhendiyè kiw te Betel; ne ebaal a zutun te pemuhatà ne ed-ezapen ku is Megbevayà he midtavang kedì te menge kelised ku, wey miduma kedì minsan hendei a ebpevayà.”

Genesis 35:7

Ne mibeelan din dutun is pemuhatà. Iyan inngazan din dutun he lugar is El Betel, he ke và dà egkeǥiya, “Megbevayà te Betel,” su hein mibpeleǥuyan din is kakey zin he si Esau, dutun mebpaahà kandin is Megbevayà.

Genesis 4:26

Ne hein neuǥet, nevuwad daan si Set te maama ne migngezanan din ki Enosh. Iyan haazà timpu zengan he ebpuunan te menge etew is paaǥi te ked-azap he egemiten is ngazan te Nengazen dutun te kebpengumew-umew zan.

Genesis 8:20

Ne mibaal si Noe te pemuhatà para te Nengazen. Ne migkuwa zin dutun te menge langgam is lumpiyu ragkes daan is kada kelasi te menge lumpiyu he tagbis, ne midtutung din heini zutun te pemuhatà he iyan pemuhat para te Nengazen.

Nehemias 11:31

Is duma he menge etew ziyà te Benjamin, diyè med-ubpà te Geba, Micmash, Aya, Betel, wey te menge inged he nekeelingkus kayi.

Salmo 116:4

umbe mid-umew ku is Nengazen, “Nengazen, libriya a!”

Exodus 17:15

Ne mibaal si Moises te pemuhatà he migngezanan din te, “Iyan Bendirè ku te Kezeeǥan is Nengazen.”

Isaias 10:28

Midsurung te menge tig-Asiria is Ayat. Diyà sikandan mebayà te Migron ne intaǥak dan diyà te Micmash is menge uwiten dan.

Joel 2:32

Piru is minsan hentei he edangep diyà te Nengazen ne egkelibri te silut he edtelinguma. Su sumalà is migkaǥi te Nengazen, duen menge Israilihanen he egkesamà diyà te Jerusalem he migngezanan he Buvungan he Zion. Heini sikandan mibpilì te Nengazen he egkengelibri.

Josue 18:22

Bet Araba, Zemaraim, Betel,

Josue 22:10

Kebpekeuma zan diyà te Gelilot, he uvey te Wahig he Jordan he nesakup pa te Canaan, mibaal sikandan dutun te zekelà he pemuhatà.

Josue 7:2

Puun te Jerico midsuǥù si Josue te menge etew he ibpepeniid te Ai, sevaha heini he inged he zapit te edsilaan he vahin te Betel, he uvey te Bet Aven. Umbe migenat haazà he menge etew su ebpeniid dan.

Josue 8:12

Duen en impehuna ni Josue he 5,000 he menge sundaru te kedsurung dutun te inged. Diyè dan mebpelastar te zapit te edsenlepan dutun te inged, diyà te tengàtengà te Ai wey Betel.

Josue 8:17

Is langun he menge maama ziyà te Ai wey ziyà te Betel midal-as dan is menge Israilihanen, umbe wazà nesamà he ebpekidtebek para kenà maaǥew haazà is inged.

Josue 8:3

Umbe, nengandam si Josue wey is langun he menge sundaru zin para te kedsurung dan diyà te Ai. Mibpilì si Josue te 30,000 he menge sundaru he metau he ebpekidtebek ne impelapus din sikandan.

Josue 8:30

Ne zutun mibpevaal si Josue te pemuhatà diyà te Buntud he Ebal he para te Nengazen he Megbevayà te Israel.

Josue 8:9

Ne impeǥenat sikandan ni Josue, ne mid-eles dan diyà te zapit te edsenlepan emun dutun ki te Ai, diyà te pid-elangan te Ai wey Betel. Ne zutun he kezukileman wazè pa si Josue med-awà diyà te kampu zan duma te menge etew.

Zatù 6:24

Ne mibaal zutun si Gideon te pemuhatà para te Nengazen ne migngezanan din haazà te, “Ebeǥey te Kelinew is Nengazen.” Ne taman en guntaan kemulu heini he pemuhatà diyà te Ofra, diyà te tanà te menge kevuwazan ni Abiezer.

1 Samuel 30:27

Iyan mibpeuwitan din is ebpemendumala te inged he: Betel, Ramot Negev, Jatir,