Genesis 11:6 - Manobo Western Bukidnon OT

⁶ Migkaǥi sikandin te, “Heini he menge etew, nesevaha zan wey sevaha zà is kineǥiyan dan. Ne heini is mibeelan dan ne puunè pa heini. Kenà egkeuǥet ne ebeelan dan is minsan hengkey he egkesuatan dan.

Genesis 11:6 Խաչաձեւ Հղումներ

Genesis 11:1

Ne zutun he timpu, sebsevaha pa is kineǥiyan te langun he menge etew te tivuuk he kelibutan.

Genesis 3:22

Ne migkaǥi zutun is Nengazen he Megbevayà te, “Nehimu en is menusiyà he iring kenitew su egketuusan din en is meupiya wey mezaat. Umbe utew kinahanglan kenè sikandin edtuǥutan he mekekaan dutun te veǥas te kayu he ebpekeveǥey te untung, su emun ebpekekaan sikandin ne kenè en ebpatey te wazà pidtemanan.”

Genesis 6:5

Ne naahà te Nengazen he utew mezakel is menge kelelalung he ebeelan te menge etew wey iyan dà layun ed-isipen wey ed-ul-ulahan dan is mezaat.

Genesis 8:21

Ne nahazek te Nengazen is kehemut te evel zutun, ne ke sikandin diyà te ǥehinawa zin te, “Kenè ku en maan edezeetan is menusiyà, minsan netuenan ku en he mekesesalà sikandan puun pa te ked-enaka kandan. Kenè ku en maan ed-umanan edlimasa iring te mibeelan ku.

Genesis 9:19

Iyan heini sikan is tetelu he anak ni Noe ne iyan sikandan menge kepuun te langun he menge etew he nekeeneb te tivuuk he kelibutan.

1 Hadì 18:27

Ne hein meudtu en ne ed-un-undahan en sikandan ni Elias he ke sikandin te, “Sigudu kew en pengulahì, su megbevayè man buwa sikandin! Kela ke mezalem is ked-isip-isip din etawa midhimeley, etawa zuen din nehipenawan, etawa nekelipezeng ne kinahanglan he ebpukawen.”

Megwewali 11:9

Sikew is betan-en, medlipey ka kayi te kebpengungubpaan nu te vetan-en ke pa. Beeli nu is egkesuatan nu te ebaal, piru tentenuzi nu he edhukuman ka te Megbevayà pinaaǥi te langun he menge vaal nu.

Amos 4:7

“Iyan a mid-eǥen te uzan te tetelu he vulan human is tiraǥun. Mibpeuzanan ku is duma he menge inged piru is duma wazè ku peuzani. Mibpeuzanan ku is duma he menge pemuleey piru is duma mibmemaza.

Zatù 10:14

Maan is kenè kew ziyà ebuyù te tavang te menge ed-ezapen he mibpilì niw he iyan ed-ezapen niw? Iyan niw sikandan ipelibri keniyu emun edlised kew.”