Genesis 10:10 - Manobo Western Bukidnon OT

¹⁰ Iyan menge zekelà he inged diyà te ǥinhedian din is Babilonia, is Erec, wey is Acad, he menge inged diyà te tanà he sakup te Shinar.

Genesis 10:10 Խաչաձեւ Հղումներ

Genesis 10:9

Nevantug si Nimrod he mengenganup tenged te intuǥut haazà kandin te Nengazen. Ne tenged dutun, duen layun dan egkekaǥi zengan he ke sikandan te, “Iring ki Nimrod is utew nevantug he mengenganup su iyan intuǥut kandin te Nengazen.”

Genesis 11:2

Ne zutun te kedhalinhalin te menge etew pehendiyà te zapit te edsilaan, neehè dan is meluag he menge suǥud diyà te Shinar, ne zutun dan med-ubpà.

Genesis 11:9

Umbe, migngezanan haazà is inged he Babel, he ke và dà egkeǥiya, “Kegkengeliveǥi,” su zutun impedseselekawà te Nengazen is kineǥiyan te tivuuk he menusiyà. Ne puun dutun midhimu te Megbevayà he mekedsusuwey sikandan pehendiyà te minsan hendei zini te kelibutan.

Genesis 14:1

Ne iyan haazà timpu he iyan si Hadì Amrafel he hadì te Shinar, si Hadì Arioc he hadì te Elasar, si Hadì Kedorlaomer he hadì te Elam, wey si Hadì Tidal he hadì te Goyim.

Isaias 10:9

Wazà mibizahayan te Carkemish te Calno, wey Arpad te Hamat, wey is Damascus te Samaria? Neked-iiring dà heini he menge inged su pudu ku naaǥew.

Isaias 11:11

Dutun daan he timpu, ed-umanan egemita te Nengazen is gehem din te kebpeulì te nesamà he menge etew zin diyà te Asiria, Ehipto, Patros, Etiopia, Elam. Babilonia, Hamat, wey is diyà te menge pulu.

Isaias 39:1

Dutun he timpu nezineg ni Merodac Baladan he hadì diyà te Babilonia, he anak ni Baladan he neulian en si Hezekia te zaru zin. Umbe mibpeuwit sikandin te menge surat wey gasa ziyà te ki Hezekia pinaaǥi te menge menunudtulà.

Jeremias 21:2

“Betbetai nu hengyui is Nengazen te kedtavang kenami, su midsurung key ni Hadì Nebucadnezar he hadì te Babilonia. Su kela ke mebaal is Nengazen te egkein-inuwan iring te mibeelan din dengan, su para meengked is kedsurung ni Nebucadnezar.”

Jeremias 50:1

Iyan heini migkaǥi te Nengazen diyà te ki Jeremias mehitenged te Babilonia wey te menge etew kayi:

Jeremias 50:21

Migkaǥi pa is Nengazen te, “Surunga niw is Merataim wey is Pekod. Penhimetayi niw is menge etew zutun ne purungi niw dezeeti. Beeli niw is langun he insuǥù ku keniyu.

Ezekiel 27:23

“ ‘Mibpetiǥayun daan diyà te kenikew is menge tig-Haran, tig-Cane, tig-Eden, wey is menge nigusyanti ziyà te Sheba, Ashur, wey Kilmad.

Daniel 1:2

Mibihag din si Hadì Jehoyakim su iyan heeyan egkesuatan te Nengazen he mehitavu. Mibpenguwa zin is duma he menge azen diyà te valey te Megbevayà ne mid-uwit din diyà te Babilonia. Ne intaǥù din haazà diyà te teleǥuey te ketiǥeyunan diyà te valey he ed-ezapan te kandin he ed-ezapen.

Amos 6:2

Egkeǥiyan niw is menge sakup niw te, “Ahaa niw is inged he Calne, wey is dekelà he inged he Hamat, wey is inged he Gat he sakup te Filistia. Hengkey, edhuna ve sikandan he mekeǥeǥehem te ginhedian te Juda wey Israel? Kenà. Edhuna ve he meluag is tanè dan te kenitew? Kenà daan.”

Micas 5:6

Edaaǥen dan wey egkezumala zan is Asiria he tanà ni Nimrod, pinaaǥi te menge ǥumaan dan. Umbe edlibriyen kiw zan emun edsurung is menge tig-Asiria kayi te tanè tew.

Zacarias 5:11

Midtavak sikandin te, “Ziyà te Babilonia he zutun ebengunen is simbahan he para kayi. Emun egkepasad en is simbahan, ne ibpelastar zutun heeyan is revan su para ed-ezapen.”