Genesis 1:14 - Manobo Western Bukidnon OT

¹⁴ Ne migkaǥi zutun is Megbevayà te, “Mehimu ziyà te langit is menge mesiǥa su wey zuen tuus te maandew wey mezukilem. Egkehimu zaan haazà he tuus te menge timpu te menge tuig wey menge andew.

Genesis 1:14 Խաչաձեւ Հղումներ

Genesis 1:13

Ne mibmezukilem dutun, ne hein nepawè en, ne nehimu is iketelu he andew.

Genesis 1:15

Egkehimu haazà he menge idtayew ziyà te langit su wey meteyawi is kelibutan.” Ne nehimu haazà.

Genesis 8:22

Taman en te kenè pa egkehanew is kelibutan, kenà egkehimu he edhelinen ku is menge timpu, kekenà, ibpaaǥi ku zed is timpu te kebpemula wey tiraǥun, is timpu te meǥenew wey meinit, is timpu te ǥulavung wey tipenguzan, is maandew wey mezukilem.”

Genesis 9:13

Idsavuk ku en is belugtu ziyà te menge ǥapun he iyan tuus te kebpekid-uyun ku keniyu.

Job 25:3

Egkevilang be is menge sundaru zin? Duen be lugar he wazà meteyawi te kerayag din?

Job 25:5

Emun minsan is bulan wey menge vituen kenà merayag is ked-ahaa zin duen,

Job 3:9

Wazè en pezem medsiǥa is mekevugwas dutun he andew wey wazè en mebmeselem.

Salmo 119:91

Is langun he menge naazen kemulu pa taman en guntaan tenged te iyan suat nu. Su haazà is langun ebpenilbi kenikew.

Salmo 148:3

Deliǥa niw sikandin, andew, bulan, wey menge vituen.

Salmo 148:6

Wazà pidtemanan is kebpekesavuk dan diyà te midsevukan din kandan, ne kenè en heini egkahalin is kebpekesavuk dan.

Salmo 150:1

Deliǥa niw is Nengazen! Deliǥa niw is Megbevayà diyà te valey zin. Deliǥa niw sikandin he ziyà te langit, is melig-en he ubpeey zin.

Salmo 81:3

Ipezaǥing niw is budyung te kedsilibra te Pista te Kebpuun te Hayag wey zuen te pista he ebeelan tew emun tuker.

Isaias 40:26

Lingehè kew ziyà te langit! Hentei man is midlimbag keniyan te menge vituen? Is midlimbag keniyan iyan is Megbevayà. Midtigseselimbaha zin is kebpelepawa zin kandan ne migngezanan din te menge ngazan dan. Ne tenged te ǥehem din ne wazà minsan sevaha kandan he naawà.

Jeremias 10:2

Migkaǥi sikandin te, “Kenè niw iringi is baal te menge etew ziyà te zuma he menge nasyun, ne kenè kew mahandek te menge tuus diyà te langit minsan pa te igkehandek heini te ziyà te zuma he menge nasyun.

Jeremias 31:35

Mid-uman pa megkaǥi is Nengazen te, “Iyan a midsuǥù te andew te kedsilà emun maandew, wey te vulan wey menge vituen emun mezukilem. Ne migkutew ku is daǥat wey medreǥuuk is menge vaǥel. Mekeǥeǥehem he Nengazen is ngazan ku.

Jeremias 33:20

“Nekid-uyun a te maandew wey mezukilem he medlepew sikandan te hustu he timpu, ne heini he uyun kenè en egkahalin.

Jeremias 33:25

Piru migkaǥi a te iring te kenà egkahalin is kebpekid-uyun ku te maandew wey mezukilem wey is belaud ku he para te minsan hengkey he linimbag ku diyà te langit wey tanà,

Ezekiel 46:1

Migkaǥi pa is Nengazen he MEGBEVAYÀ te, “Is beyeey pehendiyà te seled he lama he ebpekesinaru ziyà te edsilaan, kinahanglan he siradu seled te heenem he andew he iyan timpu te kedterebahu, piru ed-ebriyan heini emun Andew te Kedhimeley wey emun Pista te Kebpuun te Hayag.

Ezekiel 46:6

“Kada Pista te Kebpuun te Hayag mebpemuhat is pengulu: sevaha he turiti he vaka, sevaha he meǥurang en he kerehidu, wey heenem he nati he kerehidu he meemahan he pudu wazè dan sazir.

Joel 2:10

Egkehuyung is kelibutan wey is langit dutun te kebpekeuma zan. Ebmerusirem is andew wey is bulan ne kenè en edsiǥa is menge vituen.

Joel 3:15

Ebmerusirem is andew wey is bulan, ne kenè en edsiǥa is menge vituen.

Amos 5:8

Is Megbevayà iyan midlimbag te menge grupu te menge vituen he migngezanan te Penikapan wey Belatic. Iyan sikandin mibpedliwà te merusirem wey merayag, wey maandew wey mezukilem. Iyan sikandin midtiǥum te wahig te zaǥat diyà te menge gapun ne ibpeuzan din heini ziyà te tanà. Is ngazan din iyan is Nengazen.

Amos 8:9

Dutun he andew te kedsiluti ku keniyu, ibpesanlep ku is andew ziyà te udtuwan, umbe ebmerusirem minsan maandew pa. Iyan a, is Nengazen he Megbevayà, migkaǥi kayi.

Deuteronomio 4:19

Kinahanglan he kenè kew egke-iniyat he edsimba te egkengeehè niw ziyà te langit–andew, bulan wey menge vituen. Insavuk heini te Nengazen he Megbevayè niw he para te tivuuk he keet-etawan kayì te kelibutan.