Genesis 1:1 - Manobo Western Bukidnon OT

¹ Diyà te puunà midlimbag te Megbevayà is langit wey is kelibutan.

Genesis 1:1 Խաչաձեւ Հղումներ

2 Hadì 19:15

Ne nengemuyù sikandin te, “Nengazen he Megbevayà te Israel he ebpimpinuu ziyà te pinuuwè din te kedhadì diyà te teliwazà te menge kirubin, iyan ke zà Megbevayà he edumala te langun he menge ginhedian kayi te kelibutan. Mibeelan nu is langit wey is kelibutan.

1 Cronica 16:26

su is langun he menge ed-ezapen te menge etew ziyà te zuma he menge nasyun, ne menge ledawan he mibeelan dan dà, piru iyan is Nengazen mibaal te langit.

2 Cronica 2:11

Iyan heini tavak ni Hadì Hiram he hadì te Tyre ziyà te ki Solomon pinaaǥi te surat: “Tenged te mahal te Nengazen is mezakel he menge keet-etawan din ne midhimu ke zin he hadì dan.

Nehemias 9:6

Iyan ke zà Nengazen! Mibeelan nu is langit, tanà, daǥat, wey is langun he netaǥù kayi. Ebeǥayan nu te untung is langun he menge linimbag nu, ne ed-ezapen ka te menge velinsuǥuen diyà te langit.

Job 26:13

Tenged te kedhiyup din mibmetingew is langit, ne pinaaǥi te ǥehem din midhimetayan din is edagmang he dragun.

Job 38:4

Hendei ka hein mibeelan ku is pundasyun te kelibutan? Keǥiya nu kediey ke zuen nu netuenan.

Job 9:8

Iyan dà sikandin midempas te langit, wey iyan dà sikandin ebpekepeengked te menge vaǥel.

Salmo 102:25

Dengan mibeelan nu is kelibutan wey is langit.

Salmo 104:24

Nengazen, utew mahabet is mibpemeelan nu. Mibeelan nu heini is langun pinaaǥi te ketau nu. Nepenù is kelibutan te menge mibeelan nu.

Salmo 104:30

Egkeuyag sikandan emun ebeǥayan nu sikandan te ǥehinawa. Iyan heini paaǥi te kebmahabet te uuyag he menge linimbag kayi te kelibutan.

Salmo 115:15

Berakat he tuvazi kew te Nengazen he midlimbag te langit wey te kelibutan.

Salmo 121:2

Is tavang kediey ne ziyà ebpuun te Nengazen, he iyan mibaal te langit wey kelibutan.

Salmo 124:8

Is tavang kenitew ne ziyà ebpuun te Nengazen he iyan mibaal te langit wey is kelibutan.”

Salmo 134:3

Berakat he tuvazi kew te Nengazen he ziyà te Zion, he iyan mibaal te langit wey kelibutan.

Salmo 136:5

Pinaaǥi te ketau zin, mibeelan din is langit. Wazà pidtemanan te ǥaǥew zin.

Salmo 146:6

su haazà he edseriǥan, ne iyan sikandin kes Nengazen he nenlimbag te langit, tanà, daǥat, wey te langun he taǥù kayi. Iyan heini kes Nengazen he engayan he edseriǥan te wazà pidtemanan.

Salmo 33:6

Pinaaǥi te lalag te Nengazen, nehimu is langit: andew, bulan, wey menge vituen.

Salmo 33:9

Su migkaǥi zà sikandin ne nehimu en is kelibutan. Mibmandù dà sikandin ne nehimu is langun.

Salmo 8:3

Emun edtengteng a ziyà te langit he mibeelan nu, ne egkeehè ku is bulan wey menge vituen he insavuk nu ziyà te nengesevukan dan,

Salmo 8:4

ebpekeinsà a ziyà te ǥehinawa ku te hengkey ves is menusiyà, maan is utew nu edseǥipaa? Menusiyè dà sikandin, piru maan is utew nu igkeseeng?

Salmo 90:2

Hein wazà nu pa limbaǥa is menge vuntud wey is kelibutan, ne Megbevayè ke en, ne iyan ka ǥihapun Megbevayà te wazà pidtemanan.

Salmo 96:5

Su is langun he menge ed-ezapen te menge etew ziyà te zuma he menge nasyun, ne menge ledawan he mibeelan dan dà, piru iyan is Nengazen mibaal te langit.

Exodus 20:11

Su seled te heenem he andew is kebeeli ku te langit, tanà, daǥat, wey te langun he menge seled dutun, ne midhimeley a hein ikepitu en he andew. Ne mibpenubtuvazan ku haazà is Andew te Kedhimeley ne midhimu ku he segradu he andew para kediey.

Exodus 31:18

Ne hein nekepasad is Nengazen he ebpekidlalag ki Moises diyà te puntur te Buntud he Sinai, imbeǥey zin diyà te ki Moises is dezuwa he midlumpipì he vatu he zutun isurat te Megbevayà is menge velaud din.

Erubasa 16:4

Is minsan hengkey he ebeelan te Nengazen ne zuen din tuyù dutun, ne netuenan din ke keenu zin edtepusa, ne is imbanglis diyà te lalung he menge etew iyan is kezeetan.

Erubasa 3:19

Pinaaǥi te ketau wey keuluwanen, midlimbag te Nengazen is tanà wey langit, ne nemenlepew is menge serebseb ne nehimu is uzan pinaaǥi te ǥapun.

Megwewali 12:1

Tentenuzi nu is Midlimbag kenikew mintras betan-en ke pa, zutun te kenè pa egkeuma is timpu te kelised he zutun ebpekekaǥi ka te, “Wazà a melipey kayi te kebpengungubpaan ku.”

Isaias 37:16

“Nengazen he Mekeǥeǥehem, he Megbevayà te Israel he ebpimpinuu ziyà te pinuuwè din te kedhadì diyà te teliwazà te menge kirubin, iyan ke zà Megbevayà he edumala te langun he menge ginhedian kayi te kelibutan. Mibeelan nu is langit wey is kelibutan.

Isaias 40:21

Wazè kew ve mesayud etawa wazà kew ve mekezineg? Wazè be nenudtul ziyà te keniyu puun te puunà ke mibmenumenu is kedlimbaǥa te kelibutan?

Isaias 40:26

Lingehè kew ziyà te langit! Hentei man is midlimbag keniyan te menge vituen? Is midlimbag keniyan iyan is Megbevayà. Midtigseselimbaha zin is kebpelepawa zin kandan ne migngezanan din te menge ngazan dan. Ne tenged te ǥehem din ne wazà minsan sevaha kandan he naawà.

Isaias 40:28

Wazè niw ve metueni wey mezineg he is Nengazen iyan kes wazà pidtemanan he Megbevayà he midlimbag te tivuuk he kelibutan? Kenè sikandin egkeveley wey edluyahan, ne wazà ebpeketegkad te isip din.

Isaias 42:5

Iyan heini egkeǥiyen te Megbevayà, kes Nengazen he mibaal te langit he henduen be te manggad he indempas din. Mibeelan din is kelibutan wey is langun he uuyag he netaǥù kayi. Iyan daan sikandin mibeǥey te ǥehinawa te menge etew wey te langun he uuyag he menge linimbag kayi te kelibutan.

Isaias 44:24

Iyan heini egkeǥiyen te Nengazen he Menluluwas niw, he midlimbag keniyu: Iyan a Nengazen he mibaal te langun he menge vutang. Iyan e zà midempas te langit wey mibaal te kelibutan.

Isaias 45:18

Iyan ka Nengazen, kes Megbevayà. Midlimbag nu is langit wey is kelibutan. Wazè nu himuwa is kelibutan he mehiǥawan, kekenà, mibeelan nu heini su wey meubpai. Migkaǥi ka te, “Iyan a Nengazen, ne wazè en duma pa.

Isaias 51:13

Nelipatan niw en be he iyan a mibaal keniyu? Iyan a midempas te langit wey mibpelastar te midtukuzan te kelibutan. Maan is nengungubpaan kew he layun egkahandek te pauk te ebpesipala wey egkesuat he edezaat keniyu? Is pauk dan kenè en ebpekekaid keniyu.

Isaias 51:16

Impenurù ku keniyu is ereg he egkeǥiyen niw, wey ebpengelangan ku sikiyu pinaaǥi te ǥehem ku. Iyan a mibpelastar te langit wey midsavuk te menge midtukuzan te kelibutan, wey iyan a migkaǥi ziyà te Jerusalem te, ‘Gaked ku sikew.’ ”

Isaias 65:17

“Pemineg kew! Ebaal a te veǥu he langit wey beǥu he tanà. Ne kenè en edtentenuzan is daan he langit wey tanà.

Jeremias 10:12

Piru iyan is Megbevayà midlimbag te langit wey kelibutan pinaaǥi te ǥehem din wey ketau zin.

Jeremias 32:17

“He Nengazen he MEGBEVAYÀ, midlimbag nu is kelibutan wey is langit pinaaǥi te zekelà he ǥehem nu. Wazà minsan hengkey he kenè nu egkehimu.

Jeremias 51:15

Midlimbag te Megbevayà is langit wey is kelibutan pinaaǥi te ǥehem din wey ketau zin.

Zacarias 12:1

Iyan heini menge lalag te Nengazen mehitenged te Israel: “Iyan a Nengazen he mibaal te langit wey kelibutan, wey mibeǥey te untung diyà te etew.