Ezra 5:8 - Manobo Western Bukidnon OT

⁸ “Ibpehibelu zey kenikew, Mahal he Hadì, he midhendiyè key te prubinsya he Juda, diyà te ebengunan te valey te mekeǥeǥehem he Megbevayà. Dezekelà he menge vatu is egemiten te kebenguna zuen te simbahan, ne is menge verengbeng din midteuzan te menge trusu su wey mebmelig-en. Mesigudu sikandan he edterebahu, umbe meǥaan is kebenguna zan kayi.

Ezra 5:8 Խաչաձեւ Հղումներ

Ezra 2:1

Listahan heini te menge Israilihanen diyà te prubinsya he Juda he mibihag dengan ni Hadì Nebucadnezar ziyà te Babilonia. Kayi he timpu mid-awe en sikandan diyà te Babilonia ne midlikù en diyà te Jerusalem wey ziyà te zuma pa he menge inged dan diyà te Juda.

Ezra 5:9

Mid-insaan dey is menge pengulu zan ke hentei is midsuǥù kandan te ked-uman kebangun duen te valey te Megbevayà.

Ezra 6:10

su wey zan mekepemuhat te menge pemuhat he ebpekepenunuat te Megbevayà diyà te langit, ne igkaampù e zan wey is menge anak ku.

Ezra 6:4

Is kada tetelu he dezekelà he menge vatu he ibped-uuntud, kinahanglan he ebpezivevawan te sevaha he trusu. Is langun he gelestuwan, egkuwaan diyà te selapì te ginhedian.

Ezra 7:23

Iveǥey niw is langun he kinehenglanen diyà te valey te Megbevayà sumalà te inmandù te Megbevayà diyà te langit. Su emun kenà, ne egkepeukan din is ginhedian ku wey is menge anak ku.

Nehemias 11:3

Is duma he menge Israilihanen, ragkes is menge memumuhat, menge Levihanen, menge suluǥuen diyà te valey te Nengazen, wey is menge kevuwazan te menge suluǥuen ni Solomon, mibpedayun dan med-ubpà diyà te keugelingen dan he menge tanà diyà te nekedseselekawà he menge inged diyà te Juda. Is duma he menge etew ziyà te Juda wey Benjamin, diyà med-ubpà te Jerusalem. Iyan heini menge pengulu ziyà te prubinsya he Juda wey Benjamin he ziyà med-ubpà te Jerusalem. Is ebpuun diyà te tribu ni Juda: Si Ataya he anak ni Uzia. (Si Uzia anak ni Zacarias. Si Zacarias anak ni Amaria. Si Amaria anak ni Shefatia. Ne si Shefatia anak ni Mahalalel he ebpuun diyà te kevuwazan ni Perez.)

Nehemias 7:6

Mahabet he menge Israilihanen diyà te prubinsya he Juda is mibihag ni Hadì Nebucadnezar ne miduma zin diyà te Babilonia. Ne ǥuntaan mid-awe en sikandan diyà te Babilonia su mid-ulì dan diyà te Jerusalem ne is duma ziyà te keugelingen dan he menge inged diyà te Juda.

Ester 1:1

Duen sevaha he hadì te Persia he migngezanan ki Ahasuerus. Diyà sikadin med-ubpà te turuǥan he miberengbeng diyà te inged he Susa. Edhedian din is 127 he prubinsya puun te India taman te Etiopia.

Ester 1:22

Mibpesuratan din is langun he menge etew ziyà te minsan hendei he prubinsya he neseled te ginhedian din, ne iyan migamit is keugelingen dan he menge kineǥiyan. Ne is taǥù dutun te surat iyan is: kada maama iyan mebpengulu wey mebayàbayà te pemilya zin.

Salmo 145:3

Mekeǥeǥehem ka he Nengazen, umbe ereg ka he edeliǥen. Kenà egketegkad is kegkemekeǥeǥehem nu.

Daniel 2:47

Migkaǥi sikandin diyà te ki Daniel te, “Tenged te kedtudtula nu zuen te teǥeinep ku wey kedseysaya nu te kehuluǥan din, ne tutuu iyan he is Megbevayà he ed-ezapen nu ne lavew he mekeǥeǥehem te langun he ebpen-ezapen te menge etew. Iyan sikandin ereg he egkilelaan he Egalen te menge hadì. Ne iyan dà sikandin ebpekepezayag te nekeeles he menge ketutuanan.”

Daniel 3:26

Umbe, mid-uvey si Nebucadnezar ziyà te pultahan duen te egkiràkirà he rapug is nengumew te, “Shadrac, Meshac, wey Abednego he menge suluǥuen te Utew Lavew he Megbevayà, gawas kew keniyan!” Ne migawas sikandan is tetelu.

Daniel 4:2

“Egkesuatan ku te edtudtul ziyà te keniyu is menge singyal wey menge egkein-inuwan he menge vaal he mibeelan te Utew Lavew he Megbevayà kayi te kediey.

Daniel 6:26

“Ebmandù a, he is langun he menge etew he sakup te ginhedian ku, kehendeki zan wey tehuza zan is Megbevayà ni Daniel. Su iyan sikandin uuyag he Megbevayà ne wazà pidtemanan te untung din. Ebpedayun is kedhadì din te minsan keenu. Ne wazà ebpekezezaat kayi.

Deuteronomio 10:17

Su is Nengazen he Megbevayè niw, Megbevayà te menge megbevayà wey Nengazen te menge nengazen. Mekeǥeǥehem wey egkein-inuwan sikandin he Megbevayà. Wazè din ibpelavi ne kenà sikandin egkeuwit te suhul.

Deuteronomio 32:31

Su is batu he iyan endilungà te menge kuntada tew ne kenà iring te kenitew he endilungà he vatu ne minsan sikandan nesayud kayi.