Ester 6:1 - Manobo Western Bukidnon OT

¹ Dutun he kezukileman, kenà ebpekelipezeng si Hadì Ahasuerus, umbe insuǥù din he uwita ziyà te kandin wey vesaha sikan is libru he midsuratan te kaaǥi te kedhadì din wey ginhedian din.

Ester 6:1 Խաչաձեւ Հղումներ

Genesis 22:14

Migngezanan ni Abraham haazà te, “Iyan Ebeǥey is Nengazen.” Ne zuen pa erubasa ǥuntaan he edhenduen te, “Diyà te Buvungan te Nengazen egkeveǥayan kiw te tavang.”

Ester 10:2

Ne is langun he nehimu ni Hadì Ahasuerus tenged te kezekelà te ǥehem din, wey is tivuuk he keguǥuza te utew kegkeventuǥa ki Mordecai, ne ingkesurat diyà te Libru he Midsuratan te menge Keguǥuza te menge Hadì te Media wey Persia.

Ester 2:21

Ne zutun te timpu he upisyal en si Mordecai ziyà te turuǥan, utew nepauk is dezuwa he upisyal te hadì he si Bigtana wey si Teresh he iyan bantey te ǥemawan te ruǥu te hadì. Iyan netaǥù diyà te isip dan is edhimetayan dan sikan is hadì.

Ester 2:22

Ne netuenan ni Mordecai is netaǥù diyà te isip dutun te zezuwa ne mibpetuenan din ki Rayna Ester. Ne inlitu haazà ipeseyuzi ni Ester zuen te hadì ne migkaǥi zin he si Mordecai is netau zutun.

Ester 2:23

Impeimbistiga heini te hadì. Ne hein nesusi zin he tutuu iyan heini, impevitey zin si Bigtana wey si Teresh diyà te kayu. Midsuǥù is hadì he isurat heini he neulaula zuen te libru te keguǥuza te ginhedian.

Ester 5:8

Emun tutuu he nekepenunuat a kenikew, wey kelipey nu is kebeǥey te ebuyuen ku, ne ed-umanan ku sikiyu ed-imbitara ki Haman te idlavung he id-andam ku keeselem para keniyu. Ne egkeǥiyen ku human is idhangyù ku kenikew.”

Isaias 41:17

“Emun ebpen-ahà te wahig is pubri he menge etew ku, ne wazè dan egkaahà ne ebmemaze en is bekereng dan tenged te kegkemezahi, ne siak is Nengazen iyan edtavang kandan; siak is Megbevayà te Israel kenè ku sikandan idselikwey.

Daniel 2:1

Dutun te ikezuwa he tuig te kedhadì ni Nebucadnezar, kepipira sikandin meketeǥeinep. Nekepeliveg kandin haazà is menge teǥeinep din, umbe kenà sikandin ebpekelipezeng.

Daniel 6:18

Ne mid-ulì si Hadì Darius diyà te turuǥan din. Wazà sikandin megkaan dutun he kezukileman wey wazè en sikandin mebpehimu te kelingawan he iyan pezem neleyaman din. Ne wazà sikandin mekelipezeng.

Malakias 3:16

Duen menge etew zutun he zuen dan kegkehandek te Nengazen. Hein nezineg dan heini is menge lalag, mibpelelelaǥè dan ne nemineg kandan is Nengazen, ne nezineg din sikandan. Ne ziyà te etuvangan din duen belesahan he midsuratan te mehitenged duen te zuen dan kegkehandek wey kedtahud te Nengazen.