Ester 4:6 - Manobo Western Bukidnon OT

⁶ Umbe, mibeyaan ni Hatac si Mordecai ziyà te pelasa zutun te inged, he atbang duen te pultahan te turuǥan.

Ester 4:6 Խաչաձեւ Հղումներ

Ester 4:3

Ne ziyà te kada prubinsya he neumahan dutun te suǥù te hadì, utew grabi is kedlalew te menge Judio zutun. Mibpuasa zan, nemenineǥew zan, wey nemenlelendag dan. Ne mahabet kandan is nemengukumbalà te saku wey midtelilid diyà te avu.

Ester 4:5

Ne impetawag ni Ester si Hatac, he sevaha he upisyal te hadì he sineriǥan he impesilbi ki Ester. Ne midsuǥù sikandin ni Ester te kedsusi ki Mordecai ke hengkey is utew zin ingkeseeng wey ke maan is egkehenduen sikandin.

Ester 4:7

Ne inseysey ni Mordecai ziyà te ki Hatac is langun he hinungdan te utew zin kegkeseeng, ragkes sikan is kezekelà te selapì he impenaad ni Haman he ibeǥey zin diyà te hadì he vayad te kegeraa te menge Judio.

Ester 7:2

Ne hein ed-inum dan en te vinu zutun te ikezuwa he kedlavung dan, mid-insè en maan sikan is hadì diyà te ki Rayna Ester, ke sikandin te, “Rayna Ester, hengkey is utew nu egkinehenglana? Keǥiya nu su ibeǥey ku kenikew minsan ketengè pa kayi te ginhedian ku.”

Ester 9:12

Ne migkaǥi sikan is hadì diyà te ki Rayna Ester te, “Kayi zà te Susa, 500 is midhimetayan te menge Judio gawas duen te sepulù he menge anak ni Haman he midhimetayan dan. Hengkey vuwa is mid-ulaula zan diyà te zuma he menge prubinsya kayi te ginhedian ku? Ne ǥuntaan, hengkey is edhengyuen nu? Is edhengyuen nu idtuǥut ku kenikew.”