Ester 2:9 - Manobo Western Bukidnon OT

⁹ Ne utew nezeliǥi ni Hegai si Ester, ne utew zin midseǥipà. Segugunè din mid-endami te keenen wey menge kinehenglanen para med-iseg is kekempet din. Mibeǥeyan din sikandin te pitu he menge suluǥuen he vahi he ebpuun diyà te turuǥan te hadì. Ne impeubpà ni Hegai sikandin wey haazà is menge suluǥuen diyà te kinemeupiyahan he ruǥu.

Ester 2:9 Խաչաձեւ Հղումներ

Genesis 39:21

midumahan ded si Jose te Nengazen. Tenged te tuvad te Nengazen, nehizuwan duen te ebantey zuen te pirisuwan si Jose.

Genesis 39:4

umbe utew zin ingkeǥaǥew si Jose. Midhimu zin si Jose he sineriǥan din te kedumalaha te langun he menge suluǥuen din diyà te valey zin wey is kebayàbayà te langun he menge azen din.

1 Hadì 8:50

Peseyluwa nu sikandan te menge salè dan wey menge kedrapas dan te egkesuatan nu, ne ituǥut nu he mehizuwi sikandan te mibihag kandan.

Nehemias 2:8

Emun egkehimu beǥayi a zaan te surat he igkeveǥey ku ki Asaf, te ebantey te ketelunan nu, su para veǥayi e zin te menge kayu he egemiten te kebaal te pultahan te melig-en he kutà diyà te avey te valey te Nengazen, wey kebangun te verengbeng te inged, wey para te valey he ed-ubpaan ku.” Intuǥut te hadì haazà is menge hangyù ku su mibpurungan a te Megbevayà.

Ester 2:12

Ne is kada sevaha zutun te menge vahi, wey sikandin ibpehendiyà te ki Hadì Ahasuerus emun egketapus en is 12 he vulan te kedhimuwa te menge paaǥi wey med-iseg is kekempet din; seled te heenem he vulan is kedlenahi zin te lawa zin te mira ne heenem daan he vulan is kedsevuki zin te lawa zin te menge pehemut wey minsan hengkey he kelasi he menge ebpekeuman te kekempet din.

Ester 2:3

Pilì ka te menge upisyal ziyà te kada prubinsya he sakup te ginhedian nu para ebpekepen-ahà te mekempet he menge raǥa wey ed-uwit kandan diyà te ebpeubpaan te menge vahi kayì te miberengbeng he inged te Susa. Ipaatur nu is menge raǥa ki Hegai he upisyal nu he midseriǥan nu te ked-atur te menge vahi ziyà te turuǥan. Ne iyan en sikandin metau he ebeǥey te menge kinehenglanen dan para mebmekempet dan.

Ester 5:2

Ne hein naahà duen te hadì si Rayna Ester, ne utew sikandin neǥalew ne imbayew zin diyà te ki Ester sikan is tuked din he vulawan. Ne mid-uvey si Ester ne migewezan din is purù dutun te tuked.

Salmo 106:46

Ne mibpengelinteuwan din he mehizuwi sikandan te menge mibihag kandan.

Erubasa 16:7

Emun igkesuat te Nengazen is menge ulaula ta, edhimuwen din he meemiǥu ta is menge kuntada ta.

Daniel 1:9

Ketau te Megbevayà he meupiya is isip ni Ashpenaz ki Daniel su para medtuǥut sikandin te hangyù din.