Erubasa 3:34 - Manobo Western Bukidnon OT

³⁴ Edsudien din is menge mesudì, ne edtuvazan din is kenà mepelevawen.

Erubasa 3:34 Խաչաձեւ Հղումներ

Erubasa 9:12

Emun uluwanen ka, ne ebpekeveǥey kenikew te keupiyaanan, piru emun edsudien nu is ketau, ibpaantus nu zà is gehinawa nu.

Salmo 138:6

Minsan lavew ka te langun, Nengazen, ed-isipen nu is menge egkaayuayu. Ne minsan diyè ka te meziyu su metikang ka, netuenan nu is langun he menge vaal te menge mepelevawen.

Isaias 57:15

Iyan daan heini egkeǥiyen te Utew Lavew he Megbevayà, kes Waǥas he Megbevayà he wazà pidtemanan te untung din: “Diyà a ed-ubpà te metikang wey segradu he lugar, piru ed-ubpa a zaan duma te menge etew he kenà ebpelavew wey mid-iniyug te mezaat he ulaula su wey ku sikandan melig-eni.

Erubasa 21:24

Is hembugiru wey mepelevawen he etew, ne egkekilala ta sikandin su masudì sikandin, wey utew mepedeligen.

Erubasa 19:29

Ebmultahan is etew he sumpalit ne ebuǥelen is egkeengey-engey.

Salmo 18:26

Tinutuuwà is kebpekidepitè nu te menge etew he tinutuuwà daan is kebpekidepitè dan kenikew, ne metau ka zaan he bales te menge lalung.

Erubasa 14:9

Kenè en ebeliyen te menge tulebung is salè dan, iyan, is menge metazeng he etew, ne meupiya mulà is kebpengungubpaan dan; egkesuatan dan he ebpekepenunuat sikandan te Megbevayà.

Erubasa 16:19

Deyzey pa is kenà kebpelavew wey kegkeey-eyuwi kenà is kebpelavew wey kebpekaangken te menge azen pinaaǥi te ked-aǥew.

Erubasa 1:26

bà ku zà sikiyu ed-engiti emun ebpekebmereǥen kew; bà ku zà sikiyu ed-un-undaha zutun te kemereǥenan wey mekahandekhandek he egkeulaula niw he iring te eribpures.