Daniel 9:23 - Manobo Western Bukidnon OT

²³ Su kebpuun nu zà ked-ampù ne zuen en impahayag te Megbevayà, ne midhendini a su egkeǥiyen ku kenikew haazà, su utew ka mibmahal te Megbevayà. Umbe pemineǥa nu wey sevuta nu is idseysey ku ziyà te kenikew:

Daniel 9:23 Խաչաձեւ Հղումներ

2 Hadì 19:20

Ne mibpeuwit te lalag si Isaias he anak ni Amoz diyà te ki Hezekia he edhenduen te: “Iyan heini egkeǥiyen te Nengazen he Megbevayà te Israel: Nezineg ku is kebpengemuyù nu vahin ki Hadì Senakerib he hadì te Asiria.

Erubasa 15:8

Egkeepesan te Nengazen is pemuhat te menge lalung, piru igkesuat din mulà is menge kebpengemuyù te menge metazeng.

Solomon 7:10

Gaked a te minahal ku ne iyan e zà ibulunga zin.

Ezekiel 14:14

Minsan pa ke ziyà te kandan si Noe, si Daniel, wey si Job, ne iyan dà heini is tetelu egkelibri tenged te ketazeng dan. Iyan a, is Nengazen he MEGBEVAYÀ, is migkaǥi kayi.

Ezekiel 24:16

“Sikew is etew, sengekebperè dà ne edtik-awan ku egkuwaa is bahi he utew nu mibmahal. Piru kenè nu sikandin sineǥawi ne kenè ka seengseeng para kandin.

Ezekiel 26:12

Ed-eǥawen dan is menge ketiǥeyunan niw wey menge velegyè niw. Edrundusen dan is menge verengbeng niw wey mekempet he menge valey niw, ne idtimbag dan diyà te zaǥat is menge vatu, menge kayu, wey is langun he egkesamà te nengevengkag.

Daniel 10:1

Dutun te iketelu he tuig te kedhadì ni Cyrus diyà te Persia, duen impetuenan ki Daniel te migngezanan daan ki Belteshazar. Tutuu is impetuenan kandin, ne mehitenged heini te zekelà he tebek ne impelewasan heini kandin wey zin mesavut.

Daniel 10:19

Migkaǥi sikandin kayi te kedì te, “Sikew is mibmahal te Megbevayà, kenè ka mahandek wey meipeng. Pekezesen ka.” Ne kegkekeǥiya zin dutun kayi te kedì ne mibmezesen a. Ne zutun migkaǥi a te, “Datù, ipelaus nu en is menge lalag nu su midteǥuan ad kenikew te zesen.”

Daniel 6:3

Ne si Daniel, iyan edhuna kandan te langun su geina te nekeviza is kandin he ebilidad, umbe mibpelanu sikan is hadì he ibpezumala zin si Daniel te tivuuk he ginhedian din.